News Karnataka Kannada
Wednesday, April 24 2024
Cricket
ಸಂಪಾದಕರ ಆಯ್ಕೆ

ಭೂಮಿಗೆ ಅಪ್ಪಳಿಸಲಿರುವ ಸೋಲಾರ್ ಚಂಡಮಾರುತ: ಮೊಬೈಲ್, ಟಿವಿಗಳ ಮೇಲೆ ತೀವ್ರ ಪರಿಣಾಮ

Bhoomi
Photo Credit :

ಹಲವು ದಿನಗಳಿಂದ ಸೂರ್ಯನ ಮೇಲೆ ನಡೆಯುತ್ತಿರುವ ಕ್ರಿಯೆಗಳು ಭೂಮಿಯ ಮೇಲೆ ನಕಾರಾತ್ಮಕ ಪ್ರಭಾವಕ್ಕೆ ಕಾರಣವಾಗುತ್ತವೆ. ಏಪ್ರಿಲ್ 11 ರಂದು ಸೂರ್ಯನ ಕಕ್ಷೆಯಲ್ಲಿರುವ ಕಪ್ಪು ಚುಕ್ಕೆಗಳಿರುವ ಪ್ರದೇಶದಲ್ಲಿ ಪ್ರಬಲವಾದ ಸ್ಫೋಟ ಸಂಭವಿಸಿದೆ.

ಸ್ಫೋಟದ ತೀವ್ರತೆಯು ಸೌರ ಚಂಡಮಾರುತವಾಗಿ ಬದಲಾಗಿ ಭೂಮಿಗೆ ಭಾಗಶಃ ಅಪಾಯವನ್ನುಂಟುಮಾಡುತ್ತದೆ ಎಂದು ವಿಜ್ಞಾನಿಗಳು ಎಚ್ಚರಿಸಿದ್ದಾರೆ. ಸ್ಫೋಟದಿಂದ ಹೊರಸೂಸುವ ವಿಕಿರಣವು ಗುರುವಾರ ಅಥವಾ ಶುಕ್ರವಾರ ಭೂಮಿಯ ಮೇಲೆ ಭೂಕಾಂತೀಯ ಚಂಡಮಾರುತವನ್ನು ಉಂಟುಮಾಡುತ್ತದೆ ಎಂದು ವಿಜ್ಞಾನಿಗಳು ಬಹಿರಂಗಪಡಿಸಿದ್ದಾರೆ.

ಇದರಿಂದ ವಿದ್ಯುತ್ ಸಂಪರ್ಕ ಕಡಿತಗೊಂಡು ಎಲೆಕ್ಟ್ರಾನಿಕ್ ಉಪಕರಣಗಳಿಗೆ ಹಾನಿಯಾಗುತ್ತದೆ. ಸೂರ್ಯನಿಂದ ಹೊರಸೂಸುವ ವಿಕಿರಣದಿಂದಾಗಿ ಇಡೀ ಸೌರವ್ಯೂಹದ ಮೇಲೆ ಪರಿಣಾಮ ಬೀರುವ ಸಾಮರ್ಥ್ಯವನ್ನು ಹೊಂದಿದೆ. ಇದು ಭೂಮಿಯ ಕಾಂತಕ್ಷೇತ್ರ ಮತ್ತು ಭೂಮಿಯ ಸುತ್ತಲಿನ ವಾತಾವರಣದ ಶಕ್ತಿಯ ಮೇಲೂ ಪರಿಣಾಮ ಬೀರುತ್ತದೆ ಎಂದು ವಿಜ್ಞಾನಿಗಳು ಹೇಳಿದ್ದಾರೆ.

ನ್ಯಾಶನಲ್ ಓಷಿಯಾನಿಕ್ ಅಂಡ್ ಅಟ್ಮಾಸ್ಫಿಯರಿಕ್ ಅಡ್ಮಿನಿಸ್ಟ್ರೇಷನ್ (NOAA)ದ ಅಂಗಸಂಸ್ಥೆಯಾದ ಸ್ಪೇಸ್ ವೆದರ್ ಪ್ರಿಡಿಕ್ಷನ್ ಸೆಂಟರ್ (SWPC) ಸಹ ಸೌರ ಚಂಡಮಾರುತಗಳ ಎಚ್ಚರಿಕೆಯನ್ನು ನೀಡಿದೆ. NOAA ಪ್ರಕಾರ, ಏಪ್ರಿಲ್ 14, 15 ರಂದು ಸೌರ ಚಂಡಮಾರುತವು ಭೂಮಿಯ ಮೇಲೆ ಪರಿಣಾಮ ಬೀರುತ್ತದೆ.

ಯುಎಸ್ ಬಾಹ್ಯಾಕಾಶ ಸಂಸ್ಥೆ ನಾಸಾ ಬಿಡುಗಡೆ ಮಾಡಿದ ಮಾಹಿತಿಯ ಪ್ರಕಾರ, ಸೌರ ಚಂಡಮಾರುತವು ಜಿ2 ವರ್ಗಕ್ಕೆ ಸೇರಿದೆ. ಚಂಡಮಾರುತವು G5 ನಷ್ಟು ತೀವ್ರವಾಗಿಲ್ಲ, ಆದರೆ ಭಾಗಶಃ ಹಾನಿಯನ್ನುಂಟುಮಾಡಲಿದೆ ಎಂದು NASA ಮೂಲಗಳು ತಿಳಿಸಿವೆ.

ಶುಕ್ರವಾರ ಭೂಮಿಗೆ ಅಪ್ಪಳಿಸಲಿರುವ ಸೌರ ಚಂಡಮಾರುತವು ಭೂಮಿಯ ಮೇಲಿನ ಮೊಬೈಲ್ ನೆಟ್‌ವರ್ಕ್ ಮತ್ತು ವಿದ್ಯುತ್ ವೋಲ್ಟೇಜ್‌ಗಳಿಗೆ ಅಡ್ಡಿಪಡಿಸುತ್ತದೆ. ಇದರಿಂದಾಗಿ ಜಿಪಿಎಸ್ ಸಿಗ್ನಲ್ ಹಾಗೂ ಮೊಬೈಲ್ ನೆಟ್ ವರ್ಕ್ ವ್ಯತ್ಯಯವಾಗಬಹುದು.

ನ್ಯೂಸ್‌ಕನ್ನಡ.ಕಾಂ ಇದರ ಗುಣಮಟ್ಟದ, ಸ್ವತಂತ್ರ ಪತ್ರಿಕೋದ್ಯಮವನ್ನು ನಿಮ್ಮ ದೇಣಿಗೆಯ ಮೂಲಕ ಪ್ರೋತ್ಸಾಹಿಸಿ.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

This site is protected by reCAPTCHA and the Google Privacy Policy and Terms of Service apply.
12792
News Karnataka Kannada

Read More Articles

ವಾಟ್ಸಪ್ ನಲ್ಲಿ ತಾಜಾ ಸುದ್ದಿಗಳನ್ನು ಪಡೆಯಲು ದಯವಿಟ್ಟು