Bengaluru 21°C
Ad

ನವದೆಹಲಿ: ಜೂನ್ 5ರಿಂದ ಭಾರತೀಯ ರಿಸರ್ವ್ ಬ್ಯಾಂಕ್ ಎಂಪಿಸಿ ಸಭೆ

ಭಾರತೀಯ ರಿಸರ್ವ್ ಬ್ಯಾಂಕ್ ದ್ವೈಮಾಸಿಕವಾಗಿ ನಡೆಸುವ ಎರಡು ದಿನಗಳ ಮಾನಿಟರಿ ಪಾಲಿಸಿ ಕಮಿಟಿ ಸಭೆ ಬುಧವಾರ ಆರಂಭವಾಗಲಿದೆ.

ನವದೆಹಲಿ: ಭಾರತೀಯ ರಿಸರ್ವ್ ಬ್ಯಾಂಕ್ ದ್ವೈಮಾಸಿಕವಾಗಿ ನಡೆಸುವ ಎರಡು ದಿನಗಳ ಮಾನಿಟರಿ ಪಾಲಿಸಿ ಕಮಿಟಿ ಸಭೆ ಬುಧವಾರ ಆರಂಭವಾಗಲಿದೆ.

ಜೂನ್ 7ರಂದು ಸಭೆಯ ನಿರ್ಣಯಗಳನ್ನು ಆರ್​ಬಿಐ ಗವರ್ನರ್ ಶಕ್ತಿಕಾಂತ ದಾಸ್ ಪ್ರಕಟಿಸಲಿದ್ದಾರೆ. ಕಳೆದ ಬಾರಿಯ ಎಂಪಿಸಿ ಸಭೆ ಏಪ್ರಿಲ್ ತಿಂಗಳಲ್ಲಿ ನಡೆದಿತ್ತು. ಈ ಹಣಕಾಸು ವರ್ಷದಲ್ಲಿ ಇದು ಎರಡನೇ ಸಭೆಯಾಗಲಿದೆ.

ಆರ್​ಬಿಐ ಗವರ್ನರ್ ಶಕ್ತಿಕಾಂತ ದಾಸ್ ಸೇರಿದಂತೆ ಆರು ಜನರು ಮಾನಿಟರಿ ಪಾಲಿಸಿ ಕಮಿಟಿಯಲ್ಲಿ ಇದ್ದಾರೆ. ಇವರ ಪೈಕಿ ಮೂವರು ಆರ್​ಬಿಐಯೊಳಗೆಯೇ ಇರುವ ಅಧಿಕಾರಿಗಳಾದರೆ ಇನ್ನೂ ಮೂವರು ಹೊರಗಿನ ಸದಸ್ಯರಾಗಿರುತ್ತಾರೆ.

ಏಪ್ರಿಲ್ 5ರಂದು ಆರ್​ಬಿಐ ಬಡ್ಡಿದರವನ್ನು ಶೇ. 6.50ರಲ್ಲಿ ಮುಂದುವರಿಸಲು ನಿರ್ಧರಿಸಿದೆ. ಎಂಪಿಸಿಯಲ್ಲಿರುವ ಆರು ಸದಸ್ಯರಲ್ಲಿ ಐವರು ಬಡ್ಡಿದರ ಯಥಾಸ್ಥಿತಿ ಉಳಿಸುವ ಪರವಾಗಿ ಮತ ಹಾಕಿದ್ದಾರೆ. ಒಬ್ಬರಿಂದ ಮಾತ್ರವೇ ವಿರುದ್ಧ ಮತ ಬಂದಿದೆ. ಈ ಬಾರಿಯೂ 5:1 ಮತಗಳ ಬೆಂಬಲದಲ್ಲಿ ಬಡ್ಡಿದರ ಮುಂದುವರಿಸುವ ನಿರ್ಧಾರ ಬರಬಹುದು.

ಈ ಸಭೆಯಲ್ಲಿ ಎಲ್ಲರ ಚಿತ್ತ ಹೆಚ್ಚಾಗಿ ಬ್ಯಾಂಕ್ ಬಡ್ಡಿದರ ವಿಚಾರದ ಬಗ್ಗೆ ನೆಟ್ಟಿರುತ್ತದೆ. ಜೊತೆಗೆ, ಜಿಡಿಪಿ ಮತ್ತು ಹಣದುಬ್ಬರದ ಬಗ್ಗೆ ಆರ್​ಬಿಐ ಮಾಡುವ ಅಂದಾಜು ಕುರಿತೂ ಕುತೂಹಲ ಇರುತ್ತದೆ.

Ad
Ad
Nk Channel Final 21 09 2023
Ad