ಉಡುಪಿ: ನಕ್ಸಲ್ ವಿಕ್ರಂ ಗೌಡ ಎನ್ಕೌಂಟರ್ ನಡೆದ ಪೀತಬೈಲ್ ಪ್ರದೇಶದಲ್ಲಿ ಸ್ಮಶಾನ ಮೌನ ಆವರಿಸಿದೆ. ಎನ್ ಕೌಂಟರ್ ನಡೆದ ಮನೆಯಂಗಳ ಭೀಭತ್ಸ ಘಟನೆಯ ಚಿತ್ರಣವನ್ನ ಸಾರಿ ಸಾರಿ ಹೇಳುತ್ತಿದೆ. ಒಡೆದು ಹೋದ ತುಳಸಿಕಟ್ಟೆ ,ಅಡಿಕೆ ಮರದಲ್ಲೇ ಉಳಿದ ಬುಲೆಟ್ ಎನ್ಕೌಂಟರ್ ಭೀಕರತೆಗೆ ಸಾಕ್ಷಿಯಾಗಿದೆ.
10 ವರ್ಷದ ಬಳಿಕ ಆ ಊರಿನಲ್ಲಿ ಗುಂಡಿನ ಸದ್ದು ಕೇಳಿದೆ. ಮೋಸ್ಟ್ ವಾಂಟೆಡ್ ನಕ್ಸಲ್ ನನ್ನ ಹೊಡೆದು ಹಾಕಿದ ಜಾಗ ಜಾಗ ಅಕ್ಷರಶ ಯುದ್ಧ ಭೂಮಿಯಂತೆ ಗೋಚರಿಸುತ್ತಿದೆ. ವಿಚಿತ್ರ ಮೌನ ವೊಂದು ಎನ್ಕೌಂಟರ್ ಭೀಕರತೆಯನ್ನ ಸಾರಿ ಸಾರಿ ಹೇಳುತ್ತಿದೆ.
ಹೌದು, ಇದೆ ನೋಡಿ ದಿ ಮೋಸ್ಟ್ ವಾಂಟೆಡ್ ನಕ್ಸಲ್ ,ಸಾಕೇತ್ ರಾಜನ್ ಶಿಷ್ಯ ವಿಕ್ರಂ ಗೌಡ ಎನ್ಕೌಂಟರ್ ಗೆ ಬಲಿಯಾದ ಜಾಗ .ಹೆಬ್ರಿ ತಾಲೂಕಿನ ಪೀತ್ ಬೈಲ್ ಜಯಂತ್ ಗೌಡ ಮನೆಯ ದೃಶ್ಯ .ಇದೆ ಅಂಗಳದಲ್ಲಿ ಗುಂಡಿನ ಸುರಿಮಳೆಗೈದು ANF ವಿಕ್ರಂ ಗೌಡನನ್ನ ನೆಲಕ್ಕುರುಳಿಸಿತ್ತು. 20 ವರ್ಷದ ನಕ್ಸಲ್ ಚಟುವಟಿಕೆಗೆ ಬ್ರೇಕ್ ಆಗಿತ್ತು .ಘಟನೆ ನಡೆದ ನಾಲ್ಕು ದಿನ ಕಳೆದರು ಆ ಭೀಕರತೆ ಇನ್ನೂ ಮಾಸಿಲ್ಲ. ಮನೆಯ ಅಂಗಳ ತುಳಸಿ ಕಟ್ಟೆ ,ಅಡಿಕೆ ಮರ ಇದೆಲ್ಲವೂ ವಿಕ್ರಂ ಗೌಡ ಎನ್ಕೌಂಟರ್ ಭೀಕರತೆಯನ್ನ ಸಾರಿ ಸಾರಿ ಹೇಳುತ್ತಿವೆ .
ಇದೆ ಮನೆಯ ಹೊರಾಂಗಣದಲ್ಲಿ ವಿಕ್ರಂ ಗೌಡ ಶವ ಬಿದ್ದಿತ್ತು .ಅಸಲಿಗೆ ಒಂದೆರಡು ರೌಂಡ್ ಫೈರಿಂಗ್ ಅಲ್ಲ .ವಿಕ್ರಂ ಗೌಡನನ್ನ ಕಂಡ ಕೂಡಲೇ ANF ಅಧಿಕಾರಿಗಳು ಗುಂಡಿನ ಸುರಿಮಳೆಗೈದಿದ್ದಾರೆ.ಆ ಭೀಕರತೆಗೆ ಸಾಕ್ಷಿಯಾಗೇ ಮನೆಯ ತುಳಸಿ ಕಟ್ಟೆ,ಸುತ್ತಲಿನ ಅಡಿಕೆ ಮರಗಳ ಮೇಲೆ ಗುಂಡು ಹಾಗೆ ಬಾಕಿ ಉಳಿದಿದೆ . ವಿಕ್ರಂ ಗೌಡ ಸುಸಜ್ಜಿತ ಮಿಷನ್ ಗನ್ ಜೊತೆ ಬಂದಿದ್ದ.
ANF ಅಧಿಕಾರಿಗಳು ವಿಕ್ರಂ ಗೌಡ ಬರುವಿಕೆಯನ್ನ ಕಾದು ಕುಳಿತು ಮನೆಯ ಹೊರಗಿನಿಂದಲೇ ಗುಂಡಿನ ಪ್ರಹಾರ ನಡೆಸಿರುವ ಸಾಧ್ಯತೆ ಇದೆ .ಮನೆಯ ಹೊಸ್ತಿಲಲ್ಲೇ ವಿಕ್ರಂ ಕುಸಿದು ಬಿದ್ದ ಕುರುಹು ಇದೆ .ಗುಂಡು ಪತ್ತೆಯಾದ ಸ್ಥಳದಲ್ಲೇ ಪೊಲೀಸರು ಮಾರ್ಕಿಂಗ್ ಮಾಡಿದ್ದಾರೆ .ಅಸಲಿಗೆ ಪಿತಬೈಲ್ ಯಾವ ರೀತಿ ಉದ್ವಿಗ್ನವಾಗಿತ್ತು ಅನ್ನೋದಕ್ಕೆ ಅಳಿದುಳಿದ ಈ ಕುರುಹುಗಳೇ ಸಾಕ್ಷಿಯಾಗಿದೆ .
ಪೀತ್ ಬೈಲಿನಾ ಜಯಂತ ಗೌಡ ಮನೆಯಲ್ಲಿ ಈ ಎನ್ಕೌಂಟರ್ ನಡೆದಿತ್ತು .ಎನ್ಕೌಂಟರ್ ನಡೆದಾಗ ಈ ಮನೆ ಸೇರಿದಂತೆ ಸುತ್ತಮುತ್ತಲಿನ ಎರಡು ಮನೆಗಳಲ್ಲಿ ಯಾರೂ ಇರಲಿಲ್ಲ.ಅದರಲ್ಲೂ ಎನ್ಕೌಂಟರ್ ನಡೆದ ಮೇಲೆ ಈ ಮನೆ ಹಾಗು ಪರಿಸರಕ್ಕೆ ಭೇಟಿ ನಿಷಿದ್ಧವಾಗಿದೆ .ಯಾವ ಕ್ಷಣದಲ್ಲೂ ತಪ್ಪಿಸಿಕೊಂಡ ನಕ್ಸಲರು ಪ್ರತಿ ದಾಳಿ ನಡೆಸುವ ಸಾಧ್ಯತೆಯಿದೆ. ಭಯ ಆತಂಕ ಎಲ್ಲರ ಮನದಲ್ಲಿ ಆವರಿಸಿಕೊಂಡು ಬಿಟ್ಟಿದೆ .ಒಂದರ್ಥದಲ್ಲಿ ಪೀತ್ ಬೈಲ್ ನೀರವ ಮೌನ ಅವರಿಸಿದಂತಿದೆ .
