Ad

ಹಿಮಾಲಯ ಎವರೆಸ್ಟ್ ಬೇಸ್ ಚಾರಣದಲ್ಲಿ ಯಶಸ್ವಿಯಾದ ಮಧುಗಿರಿಯ ವಾಸವಿ ಮೆಡಿಕಲ್ ಸ್ಟೋರ್ ಕಮಲೇಶ್

ಪ್ರಪಂಚದ ಅತಿ ಎತ್ತರದ ಪರ್ವತ ಶ್ರೇಣಿಯಾದ ಹಿಮಾಲಯ ಪರ್ವತದ ಮೌಂಟ್ ಎವರೆಸ್ಟ್ ಶಿಖರವು ಸಮುದ್ರಮಟ್ಟದಿಂದ 8,849 ಮೀಟರ್ ಅಂದರೆ 29 ಸಾವಿರದ ಮೂವತ್ತೊಂದು ಅಡಿ ಎತ್ತರವಿದೆ.

ಮಧುಗಿರಿ: ಪ್ರಪಂಚದ ಅತಿ ಎತ್ತರದ ಪರ್ವತ ಶ್ರೇಣಿಯಾದ ಹಿಮಾಲಯ ಪರ್ವತದ ಮೌಂಟ್ ಎವರೆಸ್ಟ್ ಶಿಖರವು ಸಮುದ್ರಮಟ್ಟದಿಂದ 8,849 ಮೀಟರ್ ಅಂದರೆ 29 ಸಾವಿರದ ಮೂವತ್ತೊಂದು ಅಡಿ ಎತ್ತರವಿದೆ.

Ad
300x250 2

ಇದರ ಬೇಸ್ ಕ್ಯಾಂಪ್ ಎತ್ತರವು 5,364 ಮೀಟರ್ ಅಂದರೆ ಸುಮಾರು 18,000 ಅಡಿಗಳು ಆಗಿದ್ದು ಮೌಂಟ್ ಎವರೆಸ್ಟ್ ನ ಶೇಕಡ 60ರಷ್ಟು ಭಾಗವಾಗಿರುತ್ತದೆ. ಈ ಬೇಸ್ ಕ್ಯಾಂಪ್ಗೆ ಹೋಗಿ ಬರುವುದು ತುಂಬಾ ಸಾಹಸದ ವಿಷಯವಾಗಿದ್ದು ಯಾವುದೇ ವ್ಯಕ್ತಿಯು ಇಲ್ಲಿಗೆ ಹೋಗಿ ಬರಲು ತುಂಬಾ ಪೂರ್ವ ತಯಾರಿ ಮಾಡಬೇಕು.

ಸ (1)

ಮಾನಸಿಕವಾಗಿ ಹಾಗೂ ದೈಹಿಕವಾಗಿ ಸದೃಢವಾಗಿರಬೇಕು. ಹವಾಮಾನ ವೈಪರಿತ್ಯಗಳನ್ನು ಮೆಟ್ಟಿ ನಿಲ್ಲಲು ಶಕ್ತನಾಗಿರಬೇಕು. ಅಲ್ಲಿಯ ನೈಸರ್ಗಿಕ ಹವಾಗುಣಗಳಾದ ಚಳಿ, ಆಮ್ಲಜನಕದ ಕೊರತೆ , ಭೂಕುಸಿತ, ನೀರು ಹಾಗೂ ಆಹಾರದ ಅಭಾವಕ್ಕೆ ಹೊಂದಿಕೊಂಡು ದೈತ್ಯ ಪರ್ವತಗಳ ಚಾರಣ ಮಾಡುವುದು ತುಂಬಾ ಸಾಹಸಮಯ ಕೆಲಸವೇ ಸರಿ.

ಈ ಸಾಹಸವನ್ನು ಇತ್ತೀಚೆಗೆ ಮಧುಗಿರಿ ವಾಸವಿ ಮೆಡಿಕಲ್ಸ್ನ ಸ್ಟೋರ್ ಮಾಲೀಕರಾದ ಎಸ್.ಎ. ಕಮಲೇಶ್ ರವರು ತಮ್ಮ ಸ್ನೇಹಿತರೊಂದಿಗೆ ಯಶಸ್ವಿಯಾಗಿ ಮುಗಿಸಿರುವುದು ತುಂಬಾ ಹೆಮ್ಮೆಯ ಹಾಗೂ ಸಾಹಸದ ಸಂಗತಿಯೇ ಸರಿ. ಈ ಚಾರಣಕ್ಕೆ ಪ್ರಪಂಚದ ಹಲವು ದೇಶಗಳ ಸಾಹಸಿಗಳು ಶ್ರಮವಹಿಸಿ ಯಶಸ್ಸನ್ನು ಕಾಣುತ್ತಾರೆ.

೧

ಎಸ್. ಎ. ಕಮಲೇಶ್ ರವರು ನಮ್ಮ ಭಾರತ ದೇಶವನ್ನು ಪ್ರತಿನಿಧಿಸಿ ಹಿಮಾಲಯ ಪರ್ವತದ 160 ಕಿಲೋಮೀಟರ್ ನ ಚಾರಣವನ್ನು ಯಶಸ್ವಿಯಾಗಿ ಮುಗಿಸಿ ಹಲವಾರು ಜನರ, ಸಂಘ ಸಂಸ್ಥೆಗಳ ಪ್ರಶಂಸೆಗೆ ಪಾತ್ರರಾಗಿದ್ದಾರೆ. ಈ ಸಂಧರ್ಭದಲ್ಲಿ ಮಧುಗಿರಿ ಮೆಡಿಕಲ್ಸ್ ನವರು ಕಮಲೇಶ್ ಅವರನ್ನು ಸನ್ಮಾನಿಸಲಾಯಿತು.

Ad
Ad
Nk Channel Final 21 09 2023
Ad