ಮೈಸೂರಲ್ಲಿ 1877 ಜನರಿಗೆ ಸೋಂಕು: 8 ಮಂದಿ ಸಾವು

ಮೈಸೂರು: ಜಿಲ್ಲೆಯಲ್ಲಿ ಕೊರೊನಾ ಸೋಂಕಿನ ಆರ್ಭಟ ಮುಂದುವರೆದಿದ್ದು, ಶುಕ್ರವಾರ 364 ಮಕ್ಕಳು ಸೇರಿದಂತೆ ಒಟ್ಟು 1877 ಜನರಿಗೆ ಸೋಂಕು ಹರಡಿದೆ. ಜತೆಗೆ 8 ಮಂದಿ ಸೋಂಕಿಗೆ ಬಲಿಯಾಗಿದ್ದಾರೆ.

ಮೈಸೂರು ನಗರದಲ್ಲಿ 1250, ಎಚ್.ಡಿ.ಕೋಟೆ 49, ಹುಣಸೂರು 71, ಕೆ.ಆರ್.ನಗರ 84, ಮೈಸೂರು ತಾಲೂಕು 85, ನಂಜನಗೂಡು 32, ಪಿರಿಯಾಪಟ್ಟಣ 237 ಹಾಗೂ ತಿ.ನರಸೀಪುರದಲ್ಲಿ 39, ಸಾಲಿಗ್ರಾಮ ತಾಲೂಕಿನಲ್ಲಿ 24 ಮತ್ತು ಸರಗೂರಿನಲ್ಲಿ 6 ಪ್ರಕರಣಗಳು ದಾಖಲಾಗುವ ಮೂಲಕ 364 ಮಕ್ಕಳು ಸೇರಿದಂತೆ 1877 ಮಂದಿಗೆ ಕೊರೊನಾ ಸೋಂಕು ಹರಡಿದೆ. ಇವರಲ್ಲಿ 5 ವರ್ಷದ ಒಳಗಿನ 24, 6ರಿಂದ 10 ವರ್ಷದ 61, 11ರಿಂದ 17 ವರ್ಷದ 279 ಮಕ್ಕಳಿಗೆ ಸೋಂಕು ಹರಡಿರುವುದು ದೃಢಪಟ್ಟಿದೆ.

3762 ಮಂದಿ ಡಿಸ್ಚಾರ್ಜ್: ಜಿಲ್ಲೆಯಲ್ಲಿ ಕಳೆದ ಮೂರು ದಿನಗಳಿಂದ ಸೋಂಕಿನಿಂದ ಚೇತರಿಸಿಕೊಳ್ಳುವವರ ಸಂಖ್ಯೆ ಹೆಚ್ಚಾಗಿದ್ದು, ಶುಕ್ರವಾರವೂ 3762 ಮಂದಿ ಸೋಂಕಿತರು ಗುಣಮುಖರಾಗಿ ಡಿಸ್ಚಾರ್ಜ್ ಆಗಿದ್ದಾರೆ. ಈ ಮೂಲಕ ಗುಣಮುಖರಾದವರ ಸಂಖ್ಯೆ 201395ಕ್ಕೆ ಏರಿಕೆಯಾಗಿದೆ. ಸದ್ಯ ಜಿಲ್ಲೆಯಲ್ಲಿ 12022 ಸಕ್ರಿಯ ಪ್ರಕರಣಗಳಿದ್ದು, ಹೋಂ ಐಸೋಲೇಷನ್ ಸೇರಿದಂತೆ “”ಧ ಆಸ್ಪತ್ರೆಗಳಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಹಾಗೆಯೇ ಜಿಲ್ಲೆಯಲ್ಲಿ ಹೊಸ ಪ್ರಕರಣ ಸೇರಿದಂತೆ ಇದುವರೆಗೆ 2,15,890 ಮಂದಿಗೆ ಸೋಂಕು ತಗುಲಿದೆ.

8 ಮಂದಿ ಬಲಿ: ಜಿಲ್ಲೆಯಲ್ಲಿ ಶುಕ್ರವಾರ 67, 61, 65, 63, 51 ಹಾಗೂ 78 ವರ್ಷದ ಪುರುಷರು,  75, ಹಾಗೂ 70 ವರ್ಷದ ಮ”ಳೆ ಸೇರಿದಂತೆ 8 ಮಂದಿ ಸೋಂಕಿನಿಂದ ಮೃತಪಟ್ಟಿದ್ದಾರೆ. ಈ ಮೂಲಕ ಜಿಲ್ಲೆಯಲ್ಲಿ ಸೋಂಕಿಗೆ ಬಲಿಯಾದವರ ಸಂಖ್ಯೆ 2,473ಕ್ಕೆ ಹೆಚ್ಚಳವಾಗಿದೆ.