ಶಿವಮೊಗ್ಗ: ಮೆಗ್ಗಾನ್ ಹೆರಿಗೆ ವಾರ್ಡ್ ಕಡೆಯಿಂದ ಹೋಗುವ ದಾರಿ ಬಂದ್ ಮಾಡಿದ ಆಡಳಿತ ಮಂಡಳಿ

ಶಿವಮೊಗ್ಗ: ಮೆಗ್ಗಾನ್ ಹೆರಿಗೆ ವಾರ್ಡ್ ಕಡೆಯಿಂದ ಹೋಗುವ  ದಾರಿಯನ್ನ ಮೆಗ್ಗಾನ್ ಆಡಳಿತ ಮಂಡಳಿ ಬಂದ್ ಮಾಡಿದೆ ಯಾಕೆ ಬಂದ್ ಮಾಡಿದೆ ಎಂದರೆ ಸಾರ್ವಜನಿಕರಿಗೆ ಇಲ್ಲಿನ ಅಧಿಕಾರಿಗಳು ಹೇಳೋದು ಏನೆಂದರೆ ಈ ದ್ವಾರದ ಬಳಿ ಅನೈತಿಕ ಚಟುವಟಿಕೆ ನಡೆಯುತ್ತಿರುವುದು ಹೆಚ್ಚಾಗಿದೆ ಎಂಬ ಕಾರಣಕ್ಕೆ ಬಂದ್ ಮಾಡಲಾಗಿದೆ ಎಂದು. ಅನೈತಿಕ ಚಟುವಟಿಕೆ ತಡೆಗೆ ಇದೇನಾ ಕ್ರಮ?

ಬಾಣಂತಿಯರು, ಗರ್ಭಿಣಿಯರಿಗೆ ಹೆರಿಗೆ ವಾರ್ಡ್ ಗೆ ಹೋಗಲು ಈ ರಸ್ತೆಯ ಮೂಲಕವೇ ಅನುಕೂಲಕರವಾಗುತ್ತೆ. ಸದಾ ಮೆಗ್ಗಸನ್ ನಲ್ಲಿ ವೈದ್ಯರು ಬರೆದುಕೊಡುವ ಔಷಧಿಗಳು ಸಿಗುವುದಿಲ್ಲ ಹೆರಿಗೆ ವಾರ್ಡ್ ಗೆ ಹೊರಗಿನ ಮೆಡಿಕಲ್ ಶಾಪ್ ಗೆ ಹೋಗಲು ಇದೇ ದಾರಿ ಹತ್ತಿರವಾಗುತ್ತೆ. ಈ ದಾರಿಯನ್ನೇ ಬಂದ್ ಮಾಡಿಬಿಟ್ರೆ ಅನೈತಿಕ ಚಟುವಟಿಕೆ ನಿಲ್ಲುತ್ತಾ?

ಸೂಕ್ತ ದೂರುಗಳು ದಾಖಲಾಗಬೇಕು, ಹತ್ತಿರದ ಪೊಲೀಸ್ ಠಾಣೆಯಲ್ಲಿ ಒಂದು ದೂರು ಸಹ ಇಲ್ಲಿ ಅನೈತಿಕಚಟುವಟಿಕೆ ನಡೆದಿರುವುದು ದೂರು ದಾಖಲಾಗಿಲ್ಲ. ಒಂದು ವೇಳೆ ನಡೆಯುತ್ತಿದೆ ಎಂದಾದರೆ, ಸಿಸಿ ಟಿವಿ ಕ್ಯಾಮೆರಾ ಮತ್ತು ಪೊಲೀಸ್ ಬೀಟ್ ಹೆಚ್ಚಿಸಬೇಕು. ಇದನ್ನ ಹೊರತು ಪಡಿಸಿ ಬೇರೆ ಮಾರ್ಗವಿಲ್ಲ.

ಹಾಗಂತ ಸಾರ್ವಜನಿಕರನ್ನ ಕಾಂಪೌಂಡ್ ಹಾರುವಂತೆ ಮಾಡಿರುವುದು ಒಪ್ಪಲಾಗದು. ವಾಹನ ಇರುವವರು ಸುತ್ತಾಡಿಕೊಂಡು ಬರಬಹುದು. ಬೇರೆಯವರು ಅಥವಾ ಹಳ್ಳಿಯಿಂದ ಬರುವವರ ಪಾಡೇನು?