ಆಗುಂಬೆ ಘಾಟಿ: ಬಾರಿ ಗುಡ್ಡ ಕುಸಿತ, ಮಾರ್ಗ ಸಂಚಾರ ಅಸ್ತವ್ಯಸ್ತ

ಆಗುಂಬೆ: ಶಿವಮೊಗ್ಗ ಮತ್ತು ಉಡುಪಿ ಜಿಲ್ಲೆಗೆ ಸೇರಿರುವ ಆಗುಂಬೆ ಘಾಟಿಯಲ್ಲಿ ಇಂದು ಮುಂಜಾನೆ ಗುಡ್ಡಕುಸಿದಿದೆ. ಗುಡ್ಡಕುಸಿತದಿಂದ ರಸ್ತೆ ಸಂಚಾರ ಸ್ಥಗಿತಗೊಂಡಿದೆ.

ಸೋಮೇಶ್ವರದಿಂದ ಬರುವ ನೂರನೇ ತಿರುವಿನಲ್ಲಿ ಇಂದು ಬೆಳ್ಳಂಬೆಳಿಗ್ಗೆನೇ ಗುಡ್ಡ ಕುಸಿತವಾಗಿದೆ. ಸಧ್ಯಕ್ಕೆ ರಸ್ತೆಯ ಮೇಲಿನ ಸಂಚಾರ ಅಸ್ತವ್ಯಸ್ತವಾಗಿದೆ.

ಆಗುಂಬೆಯಲ್ಲಿ ಸತತವಾಗಿ 8 ದಿನದಿಂದ ಭಾರಿ ಮಳೆಯಾಗುತ್ತಿದ್ದು ಇಂದು ಗುಡ್ಡಕುಸಿದಿದೆ. ಈ ಪ್ರದೇಶ ಉಡುಪಿ ಜಿಲ್ಲಾಡಳಿತಕ್ಕೆ ಸೇರಿದರೂ ಸಹ ಭಾನುವಾರವಾದುದರಿಂದ ಈ ರಸ್ತೆಯಲ್ಲಿ ಸಂಚರಿಸುವವರು ಪರ್ಯಾಯ ಮಾರ್ಗ ಕಂಡುಕೊಳ್ಳುವುದು ಒಳ್ಳೆಯದು.

ಮೂರು ಎಮ್ಮೆ ನೀರು ಪಾಲು
ಅದರಂತೆ ಹೊನ್ನೇತಾಳು ಗ್ರಾಮಪಂಚಾಯಿತಿಯ ನೆಂಟೂರು ಗ್ರಾಮ ಬೆಳ್ಳೂರು ಎಂಬ ಹಳ್ಳಿಯಲ್ಲಿ ಅಧಿಕ ಮಳೆಯಿಂದಾಗಿ ಮೂರು ಎಮ್ಮೆಗಳು ನೀರಿನಲ್ಲಿ ಕೊಚ್ಚಿಕೊಂಡು ಹೋಗಿವೆ. ಈ ಮೂರು ಎಮ್ಮೆಗಳು ಸಚಿನ್ ಎಂಬುವರವರಿಗೆ ಸೇರಿದ್ದಾಗಿದೆ. ಈ ಬಗ್ಗೆ ಸಚಿನ್ ಆಗುಂಬೆ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ.

ಸೋಮೇಶ್ವರದಿಂದ ತೀರ್ಥಹಳ್ಳಿ ಮತ್ತು ಶೃಂಗೇರಿ ಕಡೆ ಹೋಗುವ ರಸ್ತೆ ಮಾರ್ಗ ಮಧ್ಯದಲ್ಲಿ ಬರುವ ಆಗುಂಬೆ ಘಾಟಿಯಲ್ಲಿ ಗುಡ್ಡಕುಸಿತದಿಂದ ರಸ್ತೆಯ ಮೇಲೆ ಬಿದ್ದ ಮಣ್ಣನ್ನ ತೆರವುಗೊಳಿಸಲು ಕ್ರಮ ಕೈಗೊಳ್ಳಲಾಗಿದೆ.

ಸೋಮೇಶ್ವರದಿಂದ ಬರುವಾಗ ಮೂರನೇತಿರವಿನಲ್ಲಿ ಗುಡ್ಡಕುಸಿತಕಂಡಿದ್ದು ರಸ್ತೆಯ ಮೇಲಿನ ಮಣ್ಣನ್ನ ಜೆಸಿಬಿಯಿಂದ ತೆರವುಗೊಳಿಸಲಾಗಿದೆ. ಜೆಸಿಬಿಯಿಂದ ತೆರವುಗೊಳಿಸಿದರೂ ವಾಹನ ಸಂಚಾರ ಅನುಮಾನವಾಗಿದೆ.

ತಜ್ಞರನ್ನ ಕರೆಯಿಸಿ ಪರೀಕ್ಷೆ ನಡೆಸಿದ ನಂತರ ವಾಹನ ಸಂಚಾರಕ್ಕೆ ಅನುವು ಮಾಡುವ ಲಕ್ಷಣಗಳು ಕಂಡು ಬರುತ್ತಿದೆ. ಇಂದು ಸಂಜೆಯ ಒಳಗೆ ರಸ್ತೆಯ ಮೇಲಿನ ಕಾರ್ಯಾಚರಣೆ ಮುಗಿಯಬಹುದು. ಆದರೆ ಮಣ್ಣು ಉದುರಿ ಬರುತ್ತಿರುವುದರಿಂದ ರಸ್ತೆ ಸಂಚಾರ ಅನುಮಾನವಾಗಿದೆ.