ಶಿಕಾರಿಪುರ: ನಿವೇಶನ ಹಕ್ಕುಪತ್ರ ವಿತರಣಾ ಕಾರ್ಯಕ್ರಮ

ಶಿಕಾರಿಪುರ : ಗ್ರಾಮ ಪಂಚಾಯ್ತಿಗಳಿಗೆ ಬಸವ ವಸತಿ ಮತ್ತು ಅಂಬೇಡ್ಕರ್ ಯೋಜನೆಯಡಿ ವಸತಿ ಸೌಲಭ್ಯ ನೀಡಲಾಗಿದೆ. ಪ್ರಧಾನಿ ನರೇಂದ್ರ ಮೋದಿಯವರು ಮತ್ತು ನಮ್ಮ ರಾಜ್ಯದ ಬಿಜೆಪಿ ಸರ್ಕಾರ ಬಡವರಿಗೋಸ್ಕರ ಹೆಚ್ಚು ಹೆಚ್ಚು ಜನಪರ ಯೋಜನೆಯನ್ನು ಮಾಡಿದ್ದಾರೆ, ನಿಕಟ ಪೂರ್ವ ಮುಖ್ಯಮಂತ್ರಿಗಳಾದ ಯಡಿಯೂರಪ್ಪನವರು ನಿವೇಶನ ರಹಿತರಿಗೆ ನೀವೇಶನ ಕೊಡಿಸುವ ಕೆಲಸವನ್ನು ಆದ್ಯತೆಯ ಮೇಲೆ ಮಾಡಿದ್ದಾರೆ.ಇಂದು ಮುಡುಬಸಿದ್ದಾಪುರ, ಹಾರೂಗೋಪ್ಪ, ಹೋತನಕಟ್ಟೆ ಗ್ರಾಮಪಂಚಾಯಿತಿಯ ಒಟ್ಟು ಇಂದು 39 ಜನರಿಗೆ ಹಕ್ಕು ಪತ್ರವನ್ನು ಕೊಡುತ್ತಿದ್ದೇವೆ ಎಂದು ಸಂಸದರಾದ ಬಿ. ವೈ. ರಾಘವೇಂದ್ರ ಅವರು ತಿಳಿಸಿದರು.

ಶಿಕಾರಿಪುರ ತಾಲೂಕು ಪಂಚಾಯಿತಿಯಲ್ಲಿ ನಿವೇಶನ ರಹಿತರಿಗೆ ನಿವೇಶನ ಹಕ್ಕುಪತ್ರ ವಿತರಣಾ ಕಾರ್ಯಕ್ರಮವನ್ನು ಉದ್ಘಾಟಿಸಿ ಮಾತನಾಡಿದರು.

“1330 ಶಿಕಾರಿಪುರ ತಾಲೂಕಿಗೆ ಮನೆ ಬಂದಿದೆ. ತಾಲೂಕಿನ ಇನ್ನೂ 13 ಗ್ರಾಮದ 850 ಹಕ್ಕುಪತ್ರ ಬಾಕಿ ಇದೆ ಯಾರಿಗೆ ಮಾತಾಡಬೇಕು ಹೇಳಿ ನಾನು ಮಾತಾಡುತ್ತೇನೆ ಎಂದು ಅಧಿಕಾರಿಗಳಿಗೆ ಸಮಸ್ಯೆಯನ್ನು ಬಗೆಹರಿಸಿ, ಬಡವರಿಗೆ ಸಿಗಬೇಕಾದ ಮನೆ ಕೊಡಿಸಬೇಕಾಗಿದೆ ಎಂದು ಆದೇಶಿಸಿದರು”.

ಮಲೆನಾಡು ಅಭಿವೃದ್ಧಿ ಪ್ರಾಧಿಕಾರದ ಅಧ್ಯಕ್ಷರಾದ ಗುರುಮೂರ್ತಿಯವರು, DCC ಬ್ಯಾಂಕ್ ಅಧ್ಯಕ್ಷರಾದ ಚೆನ್ನವೀರಣ್ಣ, ಕೊಳಗಿ ರೇವಣ್ಣಪ್ಪ, ಹುನುಮಂತ್ತಪ್ಪ, ಸುಧೀರ್ ಮತ್ತಿತರರು ಉಪಸ್ಥಿತರಿದ್ದರು.