ಕಾರವಾರ: ಅಪರಿಚಿತ ಮೊಬೈಲ್ ಸಂಖ್ಯೆಯಿಂದ ಬಂದ ಸಂದೇಶವನ್ನು ನಂಬಿ ನಗರದ ಮಹಿಳೆಯೊಬ್ಬರು 3.24 ಲಕ್ಷ ರೂ. ಹಣವನ್ನು ಕಳೆದುಕೊಂಡಿದ್ದಾರೆ. ಮೊಬೈಲ್ ಸಂಖ್ಯೆಗೆ ease Your SBI YONO ACCOUNT will be Blocked Today Update Your PAN Card click link ಎಂದು ಸಂದೇಶ ಬಂದಿದೆ.
ಎಸ್‌ಬಿ‌ಐ ಬ್ಯಾಂಕ್‌ನವರು ಕಳುಹಿಸಿರಬಹುದು ಎಂದು ತಿಳಿದು ಸಂದೇಶದಲ್ಲಿ ನಮೂದಾದ ಲಿಂಕ್‌ ಓಪನ್ ಮಾಡಿ ಮಾಡಿದ್ದಾರೆ. ಆನ್‌ಲೈನ್ ಪೇಜ್‌ನಲ್ಲಿ ತಮ್ಮ ಚಿಕ್ಕಮ್ಮನ ಬ್ಯಾಂಕ್ ಖಾತೆಗೆ ಸಂಬಂಧಿಸಿದ ಮಾಹಿತಿಯನ್ನು ಹಾಕಿದ್ದಾರೆ.
ತನ್ನ ಮೊಬೈಲ್‌ಗೆ ಬಂದಿರುವ ಒ.ಟಿ.ಪಿ ಯನ್ನು ಸಹ ಈ ಪೇಜನಲ್ಲಿ ನಮೂದಿಸಿದ ಕೂಡಲೇ ಅವರ ಚಿಕ್ಕಮ್ಮನ ಬ್ಯಾಂಕ್ ಖಾತೆಯಿಂದ 99,999 ರೂಪಾಯಿಯಂತೆ 3 ಬಾರಿ, ಬಳಿಕ 24,989 ರೂಪಾಯಿ ಒಟ್ಟೂ 3,24,986 ರು. ಹಣವು ಅವರ ಚಿಕ್ಕಮ್ಮನ ಬ್ಯಾಂಕ್ ಖಾತೆಯಿಂದ ವರ್ಗಾವಣೆಯಾಗಿದೆ. ಸಿಇಎನ್ ಪೊಲೀಸ್ ಠಾಣೆಗೆ ದೂರು ನೀಡಿದ್ದಾರೆ.
