ಎಸ್.ಪಿ.ವೈ.ಎಸ್.ಎಸ್ ಯೋಗ ಸಮಿತಿಯ ವತಿಯಿಂದ ‘ಕಾರ್ಗಿಲ್ ವಿಜಯ್ ದಿವಸ್’ ಆಚರಣೆ

ಮಂಗಳೂರು: ಎಸ್.ಪಿ.ವೈ.ಎಸ್.ಎಸ್ ಕರ್ನಾಟಕ ಯೋಗ ಸಮಿತಿಯ ವತಿಯಿಂದ ಸೋಮವಾರ ‘ಕಾರ್ಗಿಲ್ ವಿಜಯ್ ದಿವಸ್’ ಕಾರ್ಯಕ್ರಮವನ್ನು ಕದ್ರಿ ಯುದ್ದ ಸ್ಮಾರಕ ದಲ್ಲಿ ಆಚರಿಸಲಾಯಿತು.

ಯೂಟ್ಯೂಬ್ ಮೂಲಕ ನೇರ ಪ್ರಸಾರ ಮಾಡಲಾಯಿತು. ಶಾಲಾ ಕಾಲೇಜುಗಳ ವಿದ್ಯಾರ್ಥಿಗಳು, ವಿವಿಧ ಸಂಘ ಸಂಸ್ಥೆಗಳು, ಸಾರ್ವಜನಿಕರು, ಸಮಿತಿಯಲ್ಲಿ ನಿತ್ಯ ಯೋಗ ಅಭ್ಯಾಸ ಮಾಡುತ್ತಿರುವವರು ಸೇರಿ ಸಾವಿರಾರು ಸಂಖ್ಯೆಯಲ್ಲಿ ನೇರಪ್ರಸಾರ ವೀಕ್ಷಣೆ ಮಾಡಿದರು.

ಕಾರ್ಯಕ್ರಮದ ಅಧ್ಯಕ್ಷರಾಗಿ ರವೀಶ್ ಕುಮಾರ್ ಎಸ್.ಪಿ.ವೈ.ಎಸ್.ಎಸ್ ಪ್ರಾಂತ ಸಂಚಾಲಕರು ಸೇವಾವಿಭಾಗ ಮಾತನಾಡುತ್ತಾ ಸೈನಿಕ ಕೇವಲ ಸಂಬಳಕ್ಕಾಗಿ ಕೆಲಸ ಮಾಡುವುದಲ್ಲ. ಪ್ರಾಣದ ಹಂಗು ತೊರೆದು ದೇಶದ ಸೇವೆ ಮಾಡುತ್ತಾರೆ ಎಂದರು.
ಮಾಜಿ ಯೋಧ ವಸಂತ್ ಕಾಯರ್ಮಾರ್ ಸೇನೆಯಲ್ಲಿನ ತಮ್ಮ ಅನುಭವ ಹಂಚಿಕೊಂಡರು.

ದಿಕ್ಸೂಚಿ ಮಾತುಗಾರರಾಗಿ ಹರೀಶ್ ಕೋಟ್ಯಾನ್ ಮೂಲ್ಕಿ ಮಾತನಾಡುತ್ತಾ ನಮ್ಮಲ್ಲಿ ಸುಪ್ತವಾಗಿರುವ ದೇಶ ಭಕ್ತಿಯನ್ನು ಜಾಗೃತಗೊಳಿಸಲು ಇಂತಹ ಕಾರ್ಯಕ್ರಮಗಳ ಅವಶ್ಯಕತೆ ಇದೆ.ದೇಶಕ್ಕಾಗಿ ಬಲಿದಾನ ಮಾಡಿದ ಯೋಧರನ್ನು ಸ್ಮರಿಸಿ, ದೇಶದ ಗಡಿ ಕಾಯುವ ಯೋಧರಿಗೆ ಶಕ್ತಿ ನೀಡಲೆಂದು ಪ್ರತಿನಿತ್ಯ ಪ್ರಾರ್ಥಿಸೋಣ ಎಂದರು.

 

ಕಾರ್ಯಕ್ರಮವನ್ನು ಅನಿತಾ ಕಾವೂರು ನಿರೂಪಣೆ ಮಾಡಿದರು. ಅರ್ಚನಾ ಹಾಗೂ ಅರುಣ ಕಟೀಲ್ ಪ್ರಾರ್ಥನೆ ಮಾಡಿದರು. ಗೋಕುಲ್ ನಾಥ್ ಶೆಣೈ ಸ್ವಾಗತಿಸಿದರು. ಜಯರಾಮ ಚೆಂಬುಗುಡ್ಡೆ ವಂದನಾರ್ಪಣೆ ಸಲ್ಲಿಸಿದರು. ಲೋಕನಾಥ ಬಜಪೆ ದೇಶಭಕ್ತಿ ಗೀತೆ ಹಾಡಿದರು. ವಿದ್ಯಾ ಗೌರಿ ವಂದೇ ಮಾತರಂ ಹಾಡಿದರು.

ಮಾಜಿ ಯೋಧರಾದ ಕಾಯರ್ಮಾರ್ ವಸಂತ್, ವಿಕ್ರಮದತ್ತ, ಹವಾಲ್ದಾರ್ ಪ್ರಕಾಶ್, ದೀಪಕ್ ಅಡ್ಯಂತಾಯ, ಪ್ರಭಾಕರ್ ಇವರಿಗೆ ಗೌರವಾರ್ಪಣೆ ಸಲ್ಲಿಸಲಾಯಿತು. ದಯಾನಂದ ಕಟೀಲು ಯೋಧರನ್ನು ಪರಿಚಯಿಸಿದರು. ಶಿವಾನಂದ ರೈ ಪುಷ್ಪಾರ್ಚನೆ ಮಾಡಲು ಸೂಚನೆ ನೀಡಿದರು.

ಜಿಲ್ಲಾ ಸಂಚಾಲಕರಾದ ಅಶೋಕ್ ಕುಮಾರ್ ಜೈನ್, ಮಹಿಳಾ ಸಂಚಾಲಕಿ ಭಾರತಿ, ಲಕ್ಷ್ಮೀನಾರಾಯಣ, ಪ್ರತಾಪ್ ಕೆ.ಎಸ್.ಕನಕ ಬಜ್ಪೆ, ಲೀಲಾ ಯೆಯ್ಯಾಡಿ, ಉಮೇಶ ಪೊಳಲಿ, ಹರೀಶ್ ಸುರತ್ಕಲ್, ಅನಂದ, ಉಮೇಶ್ ಕದ್ರಿ, ಈಶ್ವರ ಕೊಟ್ಟಾರಿ ಉಪಸ್ಥಿತರಿದ್ದರು.