News Karnataka Kannada
Tuesday, April 23 2024
Cricket
ಕರಾವಳಿ

ಒಂದೇ ತಿಂಗಳಲ್ಲಿ 50 ಸೋಂಕಿತ ಗರ್ಭಿಣಿಯರಿಗೆ ಯಶಸ್ವಿ ಹೆರಿಗೆ; ಲೇಡಿಗೋಷನ್‌ ಆಸ್ಪತ್ರೆ ಸಾಧನೆ

Photo Credit :

ಒಂದೇ ತಿಂಗಳಲ್ಲಿ 50 ಸೋಂಕಿತ ಗರ್ಭಿಣಿಯರಿಗೆ ಯಶಸ್ವಿ ಹೆರಿಗೆ;   ಲೇಡಿಗೋಷನ್‌ ಆಸ್ಪತ್ರೆ ಸಾಧನೆ

ಮಂಗಳೂರು: ಸರಕಾರಿ ವ್ಯವಸ್ಥೆಯಲ್ಲೂ ಅತ್ಯುತ್ತಮ ಸೌಲಭ್ಯ ಕಲ್ಪಿಸುತ್ತಿರುವ ಮಂಗಳೂರಿನ ಲೇಡಿಗೋಷನ್‌ ಆಸ್ಪತ್ರೆಯಲ್ಲಿ ಮೇ ತಿಂಗಳೊಂದರಲ್ಲೇ 50 ಕೋವಿಡ್‌ ಸೋಂಕಿತ ಗರ್ಭಿಣಿಯರ ಹೆರಿಗೆ ನಡೆಸಿ ಸಾಧನೆ ಮಾಡಲಾಗಿದೆ.
ಕಳೆದ ವರ್ಷಕ್ಕೆ ಹೋಲಿಸಿದರೆ ಕೋವಿಡ್‌-19 ಎರಡನೇ ಅಲೆ ಗರ್ಭಿಣಿಯರಿಗೆ ಹೆಚ್ಚು ಬಾಧಿಸಿದೆ. ಹಿಂದಿನ ಲೆಕ್ಕಾಚಾರ ತೆಗೆದರೆ ಇಲ್ಲಿ ಯಾವ ತಿಂಗಳಲ್ಲೂ ಹೆರಿಗೆ ಪ್ರಮಾಣ 45ರ ಗಡಿ ದಾಟಿರಲಿಲ್ಲ. ಮೇ ತಿಂಗಳ 24 ದಿನಗಳಲ್ಲಿ ಸೋಂಕಿತ ಗರ್ಭಿಣಿಯರಲ್ಲಿ 23 ನಾರ್ಮಲ್‌ ಮತ್ತು 27 ಸಿಸೇರಿಯನ್‌ ಹೆರಿಗೆಯಾಗಿದೆ. ಅಕ್ಟೋಬರ್‌ನಲ್ಲಿ ಒಟ್ಟು 800 ಹೆರಿಗೆ ಮೂಲಕ ಲೇಡಿಗೋಷನ್‌ ಆಸ್ಪತ್ರೆ ದಾಖಲೆ ಮಾಡಿತ್ತು. ಆಗ ಕೋವಿಡ್‌ ಸೋಂಕಿತ 14 ನಾರ್ಮಲ್‌ ಮತ್ತು 21 ಸಿಸೇರಿಯನ್‌ ಮೂಲಕ ಒಟ್ಟು 35 ಹೆರಿಗೆ ನಡೆದಿತ್ತು. ನಂತರ ಅದರ ಪ್ರಮಾಣ ಕುಂಠಿತಗೊಂಡಿತ್ತು. ಈಗ ಮತ್ತೆ ತೀವ್ರ ಹೆಚ್ಚಳವಾಗುತ್ತಿದೆ.
173 ವರ್ಷಗಳ ಇತಿಹಾಸ ಹೊಂದಿರುವ ಲೇಡಿಗೋಷನ್‌ ಸರಕಾರಿ ಆಸ್ಪತ್ರೆಯಲ್ಲಿ ಕಳೆದ ಸೆಪ್ಟೆಂಬರ್‌ನಲ್ಲೇ ಕೋವಿಡ್‌ ಮೆಟರ್ನಿಟಿ ಬ್ಲಾಕ್‌ ಆರಂಭಿಸಲಾಗಿದೆ. ಆಗ 15 ಆಕ್ಸಿಜನ್‌ ಮತ್ತು 5 ನಾನ್‌ ಆಕ್ಸಿಜನ್‌ ಸೇರಿ 21 ಬೆಡ್‌ ಹಾಕಲಾಗಿತ್ತು. 14 ಸಂಶಯಿತ ಕೋವಿಡ್‌ ಬೆಡ್‌ ಸೇರಿ ಒಟ್ಟು 53 ಬೆಡ್‌ಗಳನ್ನು ಮೀಸಲಿಡಲಾಗಿದೆ. ಅದರಲ್ಲಿ ಸಾಮಾನ್ಯ ಮತ್ತು ಸಿಸೇರಿಯನ್‌ ಪ್ರತ್ಯೇಕ ವ್ಯವಸ್ಥೆ ಮಾಡಲಾಗಿದೆ.
3 ಶಿಶುಗಳು ಪಾಸಿಟಿವ್‌: ಇಷ್ಟರ ತನಕ ಒಟ್ಟು 331 ಸೋಂಕಿತ ಗರ್ಭಿಣಿಯರು ದಾಖಲಾಗಿದ್ದು, 62 ನಾರ್ಮಲ್‌ ಮತ್ತು 95 ಸಿಸೇರಿಯನ್‌ ಸೇರಿ 157 ಹೆರಿಗೆಯಾಗಿದೆ. ಸಂಶಯಿತ ಕೆಲವು ಪ್ರಕರಣ ನೆಗೆಟಿವ್‌ ಕೂಡ ಆಗಿವೆ. ಹೆರಿಗೆಯಾದ ಮೂರು ಶಿಶುಗಳು ಕೋವಿಡ್‌ ಪಾಸಿಟಿವ್‌ ಆಗಿದ್ದವು. ಮಕ್ಕಳಿಗಾಗಿ ಪ್ರತ್ಯೇಕ ಕೋವಿಡ್‌ ನವಜಾತ ಶಿಶುಗಳ ತೀವ್ರ ನಿಗಾ ಘಟಕ ಇಲ್ಲಿದೆ.
ಆಕ್ಸಿಜನ್‌ ಸಮಸ್ಯೆ ಇಲ್ಲ: ಇತರ ಆಸ್ಪತ್ರೆಗಳಲ್ಲಿಆಕ್ಸಿಜನ್‌ ಬೆಡ್‌ಗಳ ಕೊರತೆ ಇರುತ್ತದೆ. ಇಲ್ಲಿ ಪ್ರಸೂತಿಗಾಗಿಯೇ ಆಬ್‌ಸ್ಟೆಟ್ರಿಕ್‌ ವೆಂಟಿಲೇಟರ್‌ ಸಹಿತ ಐಸಿಯು ಬೆಡ್‌ಗಳಿವೆ.

ನ್ಯೂಸ್‌ಕನ್ನಡ.ಕಾಂ ಇದರ ಗುಣಮಟ್ಟದ, ಸ್ವತಂತ್ರ ಪತ್ರಿಕೋದ್ಯಮವನ್ನು ನಿಮ್ಮ ದೇಣಿಗೆಯ ಮೂಲಕ ಪ್ರೋತ್ಸಾಹಿಸಿ.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

This site is protected by reCAPTCHA and the Google Privacy Policy and Terms of Service apply.
145

ವಾಟ್ಸಪ್ ನಲ್ಲಿ ತಾಜಾ ಸುದ್ದಿಗಳನ್ನು ಪಡೆಯಲು ದಯವಿಟ್ಟು