ಬೀದರ: ಮುಂಬರುವ ವಿಧಾನಸಭೆ ಚುನಾವಣೆ ಪೂರ್ವವಾಗಿ ಮನ್ನಾನಶೇಟ್ ಅವರಿಗೆ ಸಂಬಂಧಿಸಿದ ಅರ್ಜಿಯ ಮಂಜಿಲ್ ನಲ್ಲಿ ಅಕ್ರಮವಾಗಿ ಸಂಗ್ರಹಿಸಿಟ್ಟಿದ್ದ ಸೀರೆ, ಬಳೆ ಮತ್ತು ಇತರೆ ವಸ್ತುಗಳನ್ನು ಜಪ್ತಿ ಮಾಡಿ ಎಫ್.ಐ.ಆರ್. ದಾಖಲಿಸಲಾಗಿದೆ.
ಮಾರ್ಚ್ 18 ರಂದು ಕಮರ್ಷಿಯಲ್ ಟ್ಯಾಕ್ಸ್ ಅಧಿಕಾರಿ ಬೀದರ ಅವರು ನನ್ನ ಕಚೇರಿಗೆ ಬಂದು ರಾಜಾಬಾಗ್ ಬೀದರನಲ್ಲಿ ಮುಂಬರುವ ಚುನಾವಣೆ ಪೂರ್ವಕವಾಗಿ ಮನ್ನಾನಶೇಟ್ ಅವರಿಗೆ ಸಂಬಂಧಿಸಿದ ಅರ್ಜೀಯ ಮಂಜಿಲ್ ನಲ್ಲಿ ಅಕ್ರಮವಾಗಿ ಸೀರೆ, ಬಳೆ ಮತ್ತು ಇತರೆ ವಸ್ತುಗಳು ಸಂಗ್ರಹಿಸಿಟ್ಟ ಬಗ್ಗೆ ಮಾಹಿತಿ ತಿಳಿದು ಮಾರ್ಚ್ 17 ರಂದು ಇಬ್ಬರು ಪಂಚರ ಸಮಕ್ಷಮ ಜಪ್ತಿ ಮಾಡಿಕೊಂಡು ಜಪ್ತಿ ಪಂಚನಾಮೆ ಸಲ್ಲಿಸಿದ್ದು ಇರುತ್ತದೆ ಎಂದು ಬೀದರ ಸಹಾಯಕ ಆಯುಕ್ತರು ಅರ್ಜಿಯಲ್ಲಿ ತಿಳಿಸಿರುತ್ತಾರೆ. ಅಕ್ರಮವಾಗಿ ಸಂಗ್ರಹಿಸಿಟ್ಟಿದ್ದು ಕಂಡುಬರುತ್ತಿದೆ.
ಈ ಬಗ್ಗೆ ಕುಲಂಕುಶವಾಗಿ ವಿಚಾರಣೆ ಮಾಡಿ ಮನ್ನಾನಶೇಟ್ ತಂದೆ ಅಬ್ದುಲ್ ಅಜೀಜ್ ಮಂಜಿಲ್ ಬೀದರ ಇತನ ವಿರುದ್ದ ಕಾನೂನು ಕ್ರಮ ಜರುಗಿಸಲು ಬೀದರ ನಗರ ಪೋಲಿಸ್ ಠಾಣೆಯ ಪಿ.ಎಸ್.ಐ ಗೆ ಸಹಾಯಕ ಆಯುಕ್ತರು ಬೀದರ ಇವರು ಸೂಚಿಸಿರುತ್ತಾರೆ.
