ಅಮಲಾಪುರ: ಚಂದ್ರಸಿಂಗ್ ಅವರಿಗೆ ಅದ್ಧೂರಿ ಸ್ವಾಗತ

ಅಮಲಾಪುರ:  ಬೀದರ್ ದಕ್ಷಿಣ ಜನಪ್ರಿಯ ನಾಯಕರು ಹಾಗೂ ಪಕ್ಷೇತರ ಅಭ್ಯರ್ಥಿಯಾದ ಚಂದ್ರಸಿಂಗ್ ರವರು ಕ್ಷೇತ್ರದ ಅಮಲಾಪುರ ಗ್ರಾಮದಲ್ಲಿ ತಮ್ಮ ಅಪಾರ ಬೆಂಬಲಿಗರೊಂದಿಗೆ ಬೃಹತ್ ಪಾದಯಾತ್ರೆ ಮೂಲಕ ಮತ ಪ್ರಚಾರ ಮಾಡಿದರು. ಹಾಗೂ ಇದೇ ವೇಳೆ ಗ್ರಾಮದ ಮನೆ ಮನೆಗೆ ತೆರಳಿ ಮತಯಾಚನೆ ಮಾಡಿದರು.

ಬೀದರ ದಕ್ಷಿಣ ಕ್ಷೇತ್ರದ ಅಭಿವೃದ್ಧಿಗೋಸ್ಕರ ಈ ಬಾರಿ ಕರ್ನಾಟಕ ವಿಧಾನಸಭಾ ಚುನಾವಣೆಯಲ್ಲಿ, ಬೀದರ್ ದಕ್ಷಿಣ ಕ್ಷೇತ್ರದ ಪಕ್ಷೇತರ ಅಭ್ಯರ್ಥಿಯ ಕ್ರಮ ಸಂಖ್ಯೆ 9ರ ವಿದ್ಯುತ್ ಕಂಬದ ಗುರುತಿಗೆ ತಮ್ಮ ಅಮೂಲ್ಯವಾದ ಮತವನ್ನು ನೀಡಿ ಪ್ರಚಂಡ ಬಹುಮತದಿಂದ ಗೆಲ್ಲಿಸಬೇಕು ಎಂದು ಚಂದ್ರಸಿಂಗ್ ಅವರು ಜನರಲ್ಲಿ ಕೋರಿದರು.

ಬೀದರ್ ದಕ್ಷಿಣ ವಿಧಾನಸಭಾ ಕ್ಷೇತ್ರದ ಸಮಗ್ರ ಅಭಿವೃಧ್ಧಿಯ ಕನಸನ್ನು ಹೊತ್ತು ನಾನು ಪಕ್ಷೇತರನಾಗಿ ಕಣಕ್ಕಿಳಿದಿದ್ದೇನೆ. ಈವರೆಗೆ ಶಾಸಕರಾದವರು ಯಾರು ಕ್ಷೇತ್ರವನ್ನು ಅಭಿವೃದ್ಧಿ ಪಡಿಸಿಲ್ಲ. ನನಗೆ ಒಂದು ಅವಕಾಶವನ್ನು ನೀವುಗಳು ನೀಡಿದರೆ ಕ್ಷೇತ್ರವನ್ನು ಮಾದರಿಯನ್ನಾಗಿ ಮಾಡುವೆ. ಕುಡಿಯುವ ನೀರು. ರಸ್ತೆ. ವಿದ್ಯುತ. ಚರಂಡಿ. ಸರಕಾರದ ಯೋಜನೆಗಳು. ಮೂಲ ಸೌಕರ್ಯಗಳನ್ನು ಪ್ರಾಮಾಣಿಕವಾಗಿ ಒದಗಿಸುವೆ ಎಂದರು.

ಅಮಲಾಪುರ ಸೇರಿದಂತೆ ಕ್ಷೇತ್ರದ ವಿವಿಧ ಗ್ರಾಮಗಳಲ್ಲಿ ಮತಯಾಚನೆ ಜರುಗಿತು. ಅಮಲಾಪುರದಲ್ಲಿ ಜನರು ಭವ್ಯವಾದ ಸ್ವಾಗತ ನೀಡಿದರು. ಜೆಸಿಬಿಗಳ ಮೂಲಕ ಪುಷ್ಪ ಹಾಕಿ. ಪಟಾಕಿ ಸಿಡಿಸಿ ಅದ್ಧೂರಿಯಾಗಿ ಗ್ರಾಮಸ್ಥರು ಸ್ವಾಗತ ಮಾಡಿಕೊಂಡರು. ಗ್ರಾಮದ ಪ್ರಮುಖ ರಸ್ತೆಗಳಲ್ಲಿ ಮನೆ ಮನೆಗೆ ತೆರಳಿ ಮತಯಾಚನೆ ನಡೆಸಿದರು. ಈ ಸಂಧರ್ಭದಲ್ಲಿ ಸ್ಥಳೀಯ ಅನೇಕ ಗಣ್ಯರು, ಹಲವಾರು ಮುಖಂಡರು, ಯುವಕರು ಮತ್ತು ಅನೇಕ ಕಾರ್ಯಕರ್ತರು ಉಪಸ್ಥಿತರಿದ್ದರು.