ಬಳ್ಳಾರಿ ಸಮಾವೇಶದಲ್ಲಿ ಕೇರಳ ಸ್ಟೋರಿ ಪ್ರಸ್ತಾಪಿಸಿದ ಪ್ರಧಾನಿ ಮೋದಿ

ಬಳ್ಳಾರಿ: ನಗರದ ಹೊರವಲಯದ ಸತ್ಯಂ ಕಾಲೇಜು ಬಳಿ ನಡೆಯುತ್ತಿರುವ ಬಿಜೆಪಿ ಸಮಾವೇಶದಲ್ಲಿ ಪ್ರಧಾನಿ ನರೇಂದ್ರ ಮೋದಿ ಮಾತನಾಡಿದರು. ಈ ವೇಳೆ ಕೇರಳ ಸ್ಟೋರಿ ಚಲನಚಿತ್ರ ವಿಚಾರವನ್ನು ಪ್ರಸ್ತಾಪಿಸಿ ಕಾಂಗ್ರೆಸ್‌ ನ್ನು ತರಾಟೆಗೆ ತೆಗೆದುಕೊಂಡರು.
ಕೇರಳ ಪ್ರತಿಭಾವಂತರ ಸುಂದರ ರಾಜ್ಯ ಆದರೇ ಅಲ್ಲಿ ಪ್ರಸ್ತುತ ಆತಂಕವಾದ ಬೇರುಗಳು ಆಳವಾಗಿ ಬೇರೂರಿದೆ. ಸ್ಮಂಗ್ಲಿಗ್‌ ಡ್ರಗ್‌ ವ್ಯವಹಾರ ಆತಂಕವಾದದೊಂದಿಗೆ ನಂಟು ಹೊಂದಿದೆ.

ಈ ಹಿನ್ನಲೆಯಲ್ಲಿ ಅಲ್ಲಿನ ಉಗ್ರಗಾಮಿ ಚಟುವಟಿಕೆ ಕುರಿತು ಹೊರಬಂದಿರುವ ಕೇರಳ ಸ್ಟೋರಿ ಕುರಿತು ಕಾಂಗ್ರೆಸ್‌ ಮಾತನಾಡುವುದಿಲ್ಲ ಬದಲಿಗೆ ಉಗ್ರವಾದಿಗಳನ್ನು ಪೋಷಿಸುವ ಕಾರ್ಯವನ್ನು ಮಾಡುತ್ತಿದ್ದಾರೆ ಎಂದರು.

ಬಿಜೆಪಿಯ ಡಬಲ್‌ ಇಂಜಿನ್‌ ಸರ್ಕಾರಕ್ಕೆ ಕೇವಲ ಮೂರುವರೆ ವರ್ಷ ಅಧಿಕಾರ ದೊರೆತಿತ್ತು. ದೊರೆತ ಅಲ್ಪ ಅವಧಿಯಲ್ಲಿ ಹಲವು ಅಭಿವೃದ್ಧಿ ಕಾರ್ಯ ಮಾಡಿದ್ದೇವೆ. ರಾಜೀವ್‌ ಗಾಂಧಿ ಹೇಳಿದಂತೆ ಕಾಂಗ್ರೆಸ್‌ ಅಧಿಕಾರದ ಅವಧಿಯಲ್ಲಿ ಸರ್ಕಾರದ ಪ್ರತಿ ಯೋಜನೆಯಲ್ಲಿ 85 ಪರ್ಸೆಂಟ್‌ ಗುತ್ತಿಗೆದಾರರರು ಮಧ್ಯವರ್ತಿಗಳ ಪಾಲಾಗುತ್ತದೆ. ಉಳಿದ ಅಂಶ ಮಾತ್ರ ಫಲಾನುಭವಿಗಳಿಗೆ ದೊರೆಯುತ್ತದೆ ಎಂದರು. ಬಂಜಾರಾ, ಎಸ್‌ಸಿ, ಎಸ್‌ಟಿ, ಸೇರಿದಂತೆ ಎಲ್ಲ ಸಮುದಾಯಗಳ ಅಭಿವೃದ್ಧಿಗೆ ಕೇಂದ್ರ ಕ್ರಮ ಕೈಗೊಂಡಿದೆ. ಕಾಂಗ್ರೆಸ್‌ ಬಹುಪಾಲು ವರ್ಷ ಅಧಿಕಾರದಲ್ಲಿದ್ದರೂ ಬಂಜಾರಾ ಸಮುದಾಯಕ್ಕೆ ಹಕ್ಕು ಪತ್ರ ನೀಡುವ ವ್ಯವಸ್ಥೆ ಮಾಡಿರಲಿಲ್ಲ. ಆದರೆ ನಮ್ಮ ಬಿಜೆಪಿ ಸರ್ಕಾರ ಅದನ್ನು ನೆರವೇರಿಸಿದೆ ಎಂದರು. ಭಾಷಣದ ಮಧ್ಯೆ ಹಿಂದಿಯಿಂದ ಕನ್ನಡಕ್ಕೆ ಅನುವಾದ ಬೇಡ ಅಲ್ಲವೇ ಎಂದು ಪ್ರಶ್ನೆ ಮಾಡಿದರು ಮೋದಿ. ಆ ವೇಳೆ ಬೇಡ ಎಂಬ ಉತ್ತರ, ಮೋದಿ ಜೈಘೋಷ ಮೊಳಗಿತು.