Bengaluru 23°C
Ad

ಗುಡುಗು ಸಹಿತ ಮಳೆ: ಬೀದರ್‌ ಜನತೆಗೆ ತಂಪೆರೆದ ಮಳೆರಾಯ

ನಗರ ಸೇರಿದಂತೆ ತಾಲ್ಲೂಕಿನ ಹಲವು ಕಡೆಗಳಲ್ಲಿ ಗುರುವಾರ ಸಂಜೆ ಮಳೆಯಾಯಿತು. ಸಂಜೆ ಐದು ಗಂಟೆಗೆ ಜಿಟಿಜಿಟಿ ಮಳೆ ಶುರುವಾಯಿತು. ಆನಂತರ ಬಿಡುವು ಕೊಟ್ಟ ಮಳೆ ಸಂಜೆ ಆರರಿಂದ 6.30ರ ವರೆಗೆ ಸುರಿಯಿತು.

ಬೀದರ್: ನಗರ ಸೇರಿದಂತೆ ತಾಲ್ಲೂಕಿನ ಹಲವು ಕಡೆಗಳಲ್ಲಿ ಗುರುವಾರ ಸಂಜೆ ಮಳೆಯಾಯಿತು.

ಸಂಜೆ ಐದು ಗಂಟೆಗೆ ಜಿಟಿಜಿಟಿ ಮಳೆ ಶುರುವಾಯಿತು. ಆನಂತರ ಬಿಡುವು ಕೊಟ್ಟ ಮಳೆ ಸಂಜೆ ಆರರಿಂದ 6.30ರ ವರೆಗೆ ಸುರಿಯಿತು.

ತಾಲ್ಲೂಕಿನ ಚಿಟ್ಟಾ, ಘೋಡಂಪಳ್ಳಿ, ಅಮಲಾಪುರ, ಯಾಕತಪೂರ, ಅಯಾಸಪುರ, ಯದಲಾಪುರ, ಗುನ್ನಳ್ಳಿ, ಗೋರನಳ್ಳಿ ಸೇರಿದಂತೆ ಹಲವೆಡೆ ಮಳೆಯಾಗಿರುವುದು ವರದಿಯಾಗಿದೆ. ಗುರುವಾರ ಬೆಳಿಗ್ಗೆಯಿಂದ ಸಂಜೆ ವರೆಗೆ ಸೆಕೆಯಿತ್ತು. ಸಂಜೆ ಗುಡುಗು ಸಮೇತ ಮಳೆಯಾಗಿದ್ದರಿಂದ ವಾತಾವರಣ ಸಂಪೂರ್ಣ ತಂಪಾಯಿತು.

ಭಾಲ್ಕಿ ನಗರ ಹಾಗೂ ಸುತ್ತಮುತ್ತಲಿನ ಭಾಗಗಳಲ್ಲೂ ಮಳೆಯಾಗಿರುವುದು ವರದಿಯಾಗಿದೆ. ಜಿಲ್ಲೆಯ ಮಿಕ್ಕುಳಿದ ಕಡೆಗಳಲ್ಲಿ ಮೋಡ ಕವಿದ ವಾತಾವರಣ ಇತ್ತು.

Ad
Ad
Nk Channel Final 21 09 2023
Ad