ಅಡುಗೆ ಅನಿಲ ಸ್ಫೋಟಕ್ಕೆ ಮನೆಯ ಗೋಡೆ ಕುಸಿತ: ನಾಲ್ವರು ಗಂಭೀರ

ಬೆಂಗಳೂರು : ಅಡುಗೆ ಅನಿಲ ಸ್ಫೋಟದಿಂದ ನಾಲ್ವರು ಗಂಭೀರವಾಗಿ ಗಾಯಗೊಂಡಿರುವ ಘಟನೆ ಬೈಯಪ್ಪನಹಳ್ಳಿಯ ಸಂಜಯ್‌ ಗಾಂಧಿ ನಗರದ ಬಳಿ ಸೋಮವಾರ ನಡೆದಿದೆ.

ಸ್ಫೋಟದ ತೀವ್ರತೆಗೆ ಮನೆಯ ಗೋಡೆಯೇ ಕುಸಿದು ಬಿದ್ದಿದ್ದು , ಮನೆಯ ವಸ್ತುಗಳು ನುಚ್ಚು ನೂರಾಗಿವೆ ಎಂಬ ಮಾಹಿತಿ ಮೂಲಗಳಿಂದ ತಿಳಿದು ಬಂದಿದೆ. ಅಕ್ಕಪಕ್ಕದ ಮನೆಗಳಿಗೂ ಸಹ ಸ್ಫೋಟದ ಪರಿಣಾಮ ತಗುಲಿದೆ. ಗಾಯಾಳುಗಳನ್ನು ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ಚಿಕಿತ್ಸೆ ನೀಡಲಾಗುತ್ತಿದೆ. ಬೈಯಪ್ಪನಹಳ್ಳಿ ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ ಎಂಬ ಮಾಹಿತಿ ತಿಳಿದು ಬಂದಿದೆ.