ಹಾವೇರಿ: ಹಾನಗಲ್ಲ ವಿಧಾನಸಭಾ ಉಪ ಚುನಾವಣೆಯ ಮತದಾನ ಬೆಳಿಗ್ಗೆ ೧೧ ಗಂಟೆಯವರೆಗೆ ಶೇ. ೨೪.೩೧ ಮತದಾನವಾಗಿದೆ. ಕ್ಷೇತ್ರದ ಆಡೂರ, ಅಕ್ಕಿಆಲೂರ ಗ್ರಾಮಗಳಲ್ಲಿ ಕೆಲ ಮತಗಟ್ಟೆಗಳಲ್ಲಿ ಮತದಾನ ಬಿರುಸಿನಿಂದ ಆಗಿದ್ದರೆ.
ಇನ್ನು ಕೆಲ ಮತಗಟ್ಟೆಗಳಲ್ಲಿ ಮಂದಗತಿಯಲ್ಲಿ ಆಗುತ್ತಿರುವುದು ಕಂಡುಬಂದಿತು. ಆದರೆ, ಹನುಮನಕೊಪ್ಪ ಗ್ರಾಮದಲ್ಲಿ ಬಿರುಸಿನ ಮತದಾನ ಆಗುತ್ತಿರುವುದು ಕಂಡುಬಂದಿತು.
ಬೆಳಿಗ್ಗೆಯಿಂದ ಪುರುಷ ಮತದಾರರಿಗಿಂತ ಮಹಿಳಾ ಮತದಾರರು ಮತದಾನದಲ್ಲಿ ಪಾಲ್ಗೊಳ್ಳುತ್ತಿರುವುದು ಬಹುತೇಕ ಮತಗಟ್ಟೆಗಳಲ್ಲಿ ಕಂಡುಬಂದಿತು.
ಇಂದು ಕ್ಷೇತ್ರದಾದ್ಯಂತ ಮೋಡ ಕವಿದ ವಾತಾವರಣ ಇರುವುದರಿಂದ ಜನತೆ ಮತ ಚಲಾಯಿಸುವುದಕ್ಕೆ ಮತ ಗಟ್ಟಗಳತ್ತ ಬರುತ್ತಿರುವುದು ಕಂಡುಬರುತ್ತಿತ್ತು.
