News Karnataka Kannada
Saturday, April 13 2024
Cricket
ಹಾವೇರಿ

ಮೂರು ಕರಡಿಗಳ ದಾಳಿಯಿಂದ ಪತಿ ಮತ್ತು ತಮ್ಮನ ರಕ್ಷಿಸಿದ ಮಹಿಳೆ

3 bears attack
Photo Credit : Wikipedia

ಹಾವೇರಿ: ಹಾವೇರಿಯ ಮಹಿಳೆಯೊಬ್ಬರು ತನ್ನ ಜೀವವನ್ನು ಲೆಕ್ಕಿಸದೇ ಪತಿ ಹಾಗೂ ತನ್ನ ಸಹೋದರನ ಪ್ರಾಣ ಉಳಿಸಿದ್ದಾಳೆ. ಕೃಷಿ ಕೆಲಸದಲ್ಲಿ ನಿರತರಾಗಿದ್ದ ಪತಿ ಹಾಗೂ ತಮ್ಮನ ಮೇಲೆ ಮೂರು ಕರಡಿಗಳು ದಾಳಿ ನಡೆಸಿವೆ. ಈ ವೇಳೆ ಕರಡಿಗಳನ್ನು ಕೊಡಲಿ ಹಿಡಿದು ಓಡಿಸಿದ್ದು, ಈ ಹೋರಾಟದಲ್ಲಿ ಒಂದು ಕರಡಿ ಮೃತಪಟ್ಟಿದೆ.

ಕರಡಿ ದಾಳಿಗೆ ತುತ್ತಾಗಿರುವ ಮಹಿಳೆಯ ಪತಿ ಮತ್ತು ಸಹೋದರ ಹುಬ್ಬಳ್ಳಿಯ ಕಿಮ್ಸ್‌ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಆಹಾರ ಮತ್ತು ನೀರಿನ ಹುಡುಕಾಟದಲ್ಲಿರುವ ಕರಡಿಗಳು ಕಾಡಿಗೆ ಹತ್ತಿರವಿರುವ ಕೃಷಿ ಭೂಮಿಗಳಿಗೆ ನುಗ್ಗುತ್ತವೆ. ಅದರಂತೆ ಶನಿವಾರ ಹಾವೇರಿ ಜಿಲ್ಲೆಯ ಬಸವನಕಟ್ಟಿ ಗ್ರಾಮದ ನಿವಾಸಿ ಬಸಿರ್‌ಸಾಬ್‌ ಸವದತ್ತಿ ಅವರ ಕೃಷಿ ಭೂಮಿಗೆ ಕರಡಿಗಳು ನುಗ್ಗಿವೆ. ಈ ವೇಳೆ ಅಲ್ಲಿ ಕೆಲಸ ಮಾಡುತ್ತಿದ್ದ ಬಸಿರ್‌ಸಾಬ್‌ ಸವದತ್ತಿ (45) ಹಾಗೂ ರಜಾಕ್‌ ನಾಲಾಬಂದ್‌ (30) ಮೇಲೆ ಕರಡಿ ದಾಳಿ ನಡೆಸಿವೆ.

ಈ ವೇಳೆ ಬಸಿರ್‌ಸಾಬ್‌ ಅವರ ಪತ್ನಿ ಹಾಗೂ ಕೋಣನಕೆರೆ ಗ್ರಾಮ ಪಂಚಾಯಿತಿಯ ಸದಸ್ಯೆಯಾಗಿರುವ ಸಬೀನಾ ಅವರು ಅಲ್ಲಿಯೇ ಕೆಲಸ ಮಾಡುತ್ತಿದ್ದರು. ಕರಡಿ ದಾಳಿಯಾಗಿರುವುದನ್ನು ಮನಗಂಡ ಸಬೀನಾ ಪತಿ ಹಾಗೂ ತಮ್ಮನ ರಕ್ಷಣೆಗೆ ಧಾವಿಸಿದ್ದಾರೆ. ಕರಡಿಗಳ ದಾಳಿಗೆ ಒಳಗಾದ ನನ್ನ ಪತಿ ಹಾಗೂ ಸಹೋದರನನ್ನು ಕಂಡು ನನಗೆ ಆಘಾತವಾಯಿತು. ನಾನು ಆಗ ಕೊಡಲಿಯನ್ನು ಹಿಡಿದು ಸ್ಥಳಕ್ಕೆ ಧಾವಿಸಿ, ಒಂದು ಕರಡಿಗೆ ಕೊಡಲಿಯಿಂದ ಬಲವಾಗಿ ಹೊಡೆದೆ. ಆಗ ನನ್ನ ಪತಿ ಹಾಗೂ ಸಹೋದರ ಉಳಿದ ಎರಡು ಕರಡಿಗಳಿಗೆ ಕಲ್ಲು ಎಸೆದಿದ್ದರಿಂದ ಅವುಗಳು ಓಡಿ ಹೋದವು ಎಂದು ಹೇಳಿದರು.

ಕೊಡಲಿ ಏಟಿನಿಂದ ಒಂದು ಕರಡಿಗೆ ತೀವ್ರ ಆಗಿತ್ತು. ಉಳಿದ ಎರಡು ಕರಡಿಗಳು ಓಡಿ ಹೋಗಿವೆ ಎಂದು ಸಬೀನಾ ಹೇಳಿದ್ದಾರೆ. ನಾನು ಆ ಕ್ಷಣಕ್ಕೆ ಏನು ಮಾಡಿದೆ ಎಂಬುದು ಗೊತ್ತಿಲ್ಲ. ಆದರೆ, ಅದೃಷ್ಟವಶಾತ್, ನನ್ನ ಪತಿ ಮತ್ತು ಸಹೋದರ ಇಬ್ಬರೂ ಈಗ ಜೀವಾಪಾಯದಿಂದ ಪಾರಾಗಿದ್ದಾರೆ ಎಂದು ಹೇಳಿದ್ದಾರೆ. ಇನ್ನು, ಈ ಘಟನೆ ಕುರಿತು ಅರಣ್ಯಾಧಿಕಾರಿಗಳಿಗೆ ಸ್ಥಳೀಯರು ಮಾಹಿತಿ ನೀಡಿದ್ದಾರೆ.

ನ್ಯೂಸ್‌ಕನ್ನಡ.ಕಾಂ ಇದರ ಗುಣಮಟ್ಟದ, ಸ್ವತಂತ್ರ ಪತ್ರಿಕೋದ್ಯಮವನ್ನು ನಿಮ್ಮ ದೇಣಿಗೆಯ ಮೂಲಕ ಪ್ರೋತ್ಸಾಹಿಸಿ.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

This site is protected by reCAPTCHA and the Google Privacy Policy and Terms of Service apply.
44
News Karnataka Kannada

The most exciting, trusted and preferred news websites of Karnataka and Kannadigas around the world.

Read More Articles

ವಾಟ್ಸಪ್ ನಲ್ಲಿ ತಾಜಾ ಸುದ್ದಿಗಳನ್ನು ಪಡೆಯಲು ದಯವಿಟ್ಟು