ಪ್ರೇಮಿಗಳ ದಿನಕ್ಕೆ ಎಲ್ಲಾ ಪ್ರೇಮಿಗಳು ಕಾತುರದಿಂದ ಕಾಯ್ತಾ ಇರ್ತಾರೆ. ತಮ್ಮ ಪ್ರೇಮಿಗಳಿಗೆ ಸ್ಪೆಷಲ್ ಆಗಿ ಏನಾದ್ರೂ ಹೇಳ್ಬೇಕಲ್ಲ ಅನ್ನೋದು ಎಲ್ಲರ ಬಯಕೆ. ಆದ್ರೆ ಅಂದುಕೊಂಡ ಕೂಡಲೇ ಆ ಸಾಲುಗಳು ಸಿಗ್ಬೇಕಲ್ಲ. ಅದಕ್ಕೆ ಅಂತಾನೆ ಮ್ಯಾಟ್ನಿ ಸಿನಿಮಾದಿಂದ ಸ್ಪೆಷಲ್ ಆಗಿ ಪ್ರೀತಿ ಪಾತ್ರರಿಗೆ ಗಿಫ್ಟ್ ನೀಡಿದೆ.
ಪ್ರೇಮ ನಿವೇದನೆಯನ್ನು ಹೊತ್ತ ಮ್ಯಾಟ್ನಿ ಟೀಸರ್ ಬಿಡುಗಡೆಯಾಗಿದೆ. ಪ್ರೇಮಿಗಳ ದಿನಕ್ಕೆ ಇದೊಂದು ಸ್ಪೆಷಲ್ ಗಿಫ್ಟ್ ಅಂತಾನೆ ಹೇಳಬಹುದು. ಟೀಸರ್ ಸಖತ್ತಾಗಿದ್ದು, ಜನ ಮೆಚ್ಚುಗೆ ಪಡೆಯುತ್ತಿದೆ. ಈ ಸಿನಿಮಾದಲ್ಲಿ ರಚಿತಾ ರಾಮ್ ಹಾಗೂ ನೀನಾಸಂ ಸತೀಶ್ ನಟಿಸಿದ್ದಾರೆ. ಈಗಾಗಲೆ ಈ ಜೋಡಿ ಅಯೋಗ್ಯ ಸಿನಿಮಾ ಮಾಡಿ ಯಶಸ್ಸು ಗಳಿಸಿದೆ. ಅದೇ ಸಕ್ಸಸ್ ಖುಷಿಯಲ್ಲಿ ಮತ್ತೆ ಒಂದಾಗಿದ್ದಾರೆ. ರೋಮ್ಯಾನ್ಸ್ ಸಸ್ಪೆನ್ಸ್ ಥ್ರಿಲ್ಲರ್ ಕಥೆ ಹೊಂದಿರುವ ಚಿತ್ರದಲ್ಲಿ ರಚಿತಾ-ಸತೀಶ್ ಅವರ ಪ್ರೇಮಾಂಕುರ ಎದ್ದು ಕಾಣುತ್ತಿದೆ.
ಮನೋಹರ್ ಕಾಂಪಲ್ಲಿ ಮೊದಲ ಬಾರಿಗೆ ಮ್ಯಾಟ್ನಿಯಿಂದ ಡೈರೆಕ್ಟರ್ ಆಗಿದ್ದಾರೆ. ಸುಧಾಕರ್ ರಾಜ್ ಛಾಯಾಗ್ರಹಣವಿದ್ದು, ಪೂರ್ಣಚಂದ್ರ ತೇಜಸ್ವಿ ಸಂಗೀತವಿದೆ. ಎಫ್ 3 ಪ್ರೊಡಕ್ಷನ್ ಬ್ಯಾನರ್ ನಡಿ ಪಾರ್ವತಿ ಎಸ್ ಗೌಡ ಸಿನಿಮಾ ನಿರ್ಮಾಣ ಮಾಡಿದ್ದಾರೆ. ಅದಿತಿ ಪ್ರಭುದೇವ, ಶಿವರಾಜ್ ಕೆ ಆರ್ ಪೇಟೆ ಸಿನಿಮಾ ತಂಡಲ್ಲಿದ್ದಾರೆ.