ಬಿಗ್ ಬಾಸ್ ಸೀಸನ್‌ 8ರ ಸ್ವರ್ಧಿ ಪ್ರಿಯಾಂಕಾ ತಿಮ್ಮೇಶ್ ತಮ್ಮ ನೇರ ನುಡಿ ಮತ್ತು ಮೃದು ಸ್ವಭಾವದ ಮೂಲಕ ದೊಡ್ಮನೆಯಲ್ಲಿ ಮಾತ್ರವಲ್ಲ ಆಚೆ ಕೂಡ ಅಭಿಮಾನಿ ಬಳಗವನ್ನು ಹೆಚ್ಚಿಸಿಕೊಂಡಿದ್ದಾರೆ.
ಇದೀಗ ಪ್ರಿಯಾಂಕಾ ಅಭಿಮಾನಿಗಳಿಗೆ ಸಿಹಿ ಸುದ್ದಿಯೊಂದಿದೆ. ಪ್ರಿಯಾಂಕ ಹೊಸ ಸಿನಿಮಾವೊಂದನ್ನು ಒಪ್ಪಿಕೊಂಡಿದ್ದಾರಂತೆ.
ಸಂಕಷ್ಟಕರ ಗಣಪತಿ, ಫ್ರೆಂಚ್ ಬಿರಿಯಾನಿ ಸೇರಿದಂತೆ ಹಲವು ಸಿನಿಮಾಗಳಲ್ಲಿ ಕಾಮಿಡಿ ಪಾತ್ರಗಳ ಮೂಲಕ ಗಮನಸೆಳೆದ ನಟ ನಾಗಭೂಷಣ್ ಅಭಿನಯದ ಈ ಸಿನೆಮಾದಲ್ಲಿ ಪ್ರಿಯಾಂಕ ನಾಯಕಿಯಾಗಿ ನಟಿಸಲಿದ್ದಾರೆ. ಆದರೆ ಸಿನಿಮಾ ಹೆಸರು ಬಹಿರಂಗವಾಗಿಲ್ಲ.
ಈ ಹಿಂದೆ ‘ಅಯೋಗ್ಯ’, ‘ರತ್ನಮಂಜರಿ’ ಸಿನಿಮಾಗಳಿಗೆ ಛಾಯಾಗ್ರಹಣ ಮಾಡಿದ ಅನುಭವ ಇರುವ ಪ್ರೀತಮ್‌ ತೆಗ್ಗಿನಮನೆ ಈ ಸಿನಿಮಾಗೆ ನಿರ್ದೇಶನ ಮಾಡುತ್ತಿದ್ದಾರೆ. ಇದು ಅವರ ಚೊಚ್ಚಲ ನಿರ್ದೇಶನದ ಸಿನಿಮಾವಾಗಿದೆ. ಪ್ರಿಯಾಂಕ್ ತಿಮ್ಮೇಶ್ ‘ಗಣಪ’, ‘ಪಟಾಕಿ’ ಮುಂತಾದ ಸಿನಿಮಾಗಳಲ್ಲಿ ನಟಿಸಿದ್ದಾರೆ.
