ಮುಖದ ಕಾಂತಿ ಹೆಚ್ಚಿಸಲು ಮತ್ತು ಮುಖದ ಹಲವಾರು ರೀತಿಯ ಸಮಸ್ಯೆಗಳನ್ನು ದೂರ ಮಾಡಿ ಮುಖದ ಅಂದ ಹೆಚ್ಚಿಸಲು ಬಾದಾಮಿ ಎಣ್ಣೆ ಸಹಕಾರಿಯಾಗಿದೆ. ಹೇಗೆ ಎಂಬುದನ್ನು ತಿಳಿದುಕೊಳ್ಳೋಣ. ಮುಖದ ಕಾಂತಿ ಹೆಚ್ಚಿಸಲು ಬಾದಾಮಿ ಎಣ್ಣೆಗೆ ಸ್ವಲ್ಪ ಸಕ್ಕರೆ ಹಾಕಿ, ಮಿಶ್ರ ಮಾಡಿ. ನಂತರ ಅದನ್ನು ಮುಖಕ್ಕೆ ಹಚ್ಚಿ ಸ್ಕ್ರಬ್‌ ಮಾಡಿ ಹೀಗೆ ಕ್ರಮೇಣ ಮಾಡುವುದರಿಂದ ಉತ್ತಮ ರಿಸಲ್ಟ್ ಪಡೆಯಬಹುದು.
ಡಾರ್ಕ್ ಸರ್ಕಲ್ ಸಮಸ್ಯೆ ಸಾಮಾನ್ಯವಾಗಿ ಇಂದು ಹೆಚ್ಚಿನವರನ್ನು ಕಾಡುತ್ತಿರುತ್ತದೆ. ಈ ಸಮಸ್ಯೆಯಿಂದ ದೂರ ಆಗಲು ರಾತ್ರಿ ಮಲಗುವ ಮುನ್ನ ಬಾದಾಮಿ ಎಣ್ಣೆಯನ್ನು ಕಣ್ಣಿನ ಸುತ್ತ ಹಚ್ಚಿ. ಇನ್ನೂ ಬಾದಾಮಿ ಎಣ್ಣೆಯನ್ನು ಮುಖಕ್ಕೆ ಲೇಪಿಸುವುದರಿಂದ ಅಕಾಲಿಕ ನೆರಿಗೆ ಉಂಟಾಗುವ ಸಮಸ್ಯೆಯಿಂದ ಪಾರಾಗಬಹುದು.
ಬಾದಾಮಿಯ ಪೇಸ್ಟ್‌ ಚರ್ಮಕ್ಕೆ ಹಚ್ಚೋದರಿಂದ ಚರ್ಮದ ಬಣ್ಣವು ಬಿಳಿಯಾಗಿ ಹೊಳೆಯುವುದು. ಅದೇ ರೀತಿ ಬಾದಾಮಿ ಎಣ್ಣೆ ಹಚ್ಚೋದರಿಂದಲೂ ಮುಖ ಕಾಂತಿ ಹೆಚ್ಚಿಸಿಕೊಳ್ಳಬಹುದು.
ಬಾದಾಮಿ ಎಣ್ಣೆಯು ಮೊಡವೆಗಳ ವಿರುದ್ಧ ಹೋರಾಡುವುದರ ಜೊತೆಗೆ ಚರ್ಮದ ಮೇಲಿರುವ ಕಲೆಗಳು ಮತ್ತು ಸುಕ್ಕುಗಳನ್ನು ಕೂಡ ತೆಗೆದು ಹಾಕುತ್ತದೆ. ಟ್ಯಾನ್ ಅಥವಾ ಕಲೆಗಳ ಮೇಲೆ ಈ ಬಾದಾಮಿ ಎಣ್ಣೆಯನ್ನು ಹಚ್ಚೋದರಿಂದ ಕಲೆಯನ್ನು ತೆಗೆದು ಹಾಕಿ ಮುಖದ ಅಂದ ಹೆಚ್ಚು ಮಾಡುತ್ತದೆ.
ಬಾದಾಮಿ ಎಣ್ಣೆಯನ್ನು ಮೇಕಪ್ ರಿಮೂವರ್ ಆಗಿ ಬಳಸಬಹುದು. ಇದಕ್ಕೆ ನೀವು ನಿಮ್ಮ ಅಂಗೈಗೆ ಕೆಲವೇ ಹನಿ ಎಣ್ಣೆ ಹಾಕಿ, ನಂತರ ಮೇಕಪ್ ತೆಗೆಯುವ ಜಾಗಕ್ಕೆ ಎಣ್ಣೆಯನ್ನು ನಿಧಾನವಾಗಿ ಅನ್ವಯಿಸಿ. ನಂತರ ಹತ್ತಿ ಅಥವಾ ಬೆಚ್ಚಗಿನ ನೀರನ್ನು ಬಳಸಿ ಮುಖವನ್ನು ತೊಳೆದುಕೊಳ್ಳಿ.
