ಹೊಸದಿಲ್ಲಿ: ಅರ್ಜೆಂಟೀನಾದಲ್ಲಿ ಡೆಂಗ್ಯೂ ಜ್ವರದಿಂದ 40 ಕ್ಕೂ ಹೆಚ್ಚು ಜನರು ಸಾವನ್ನಪ್ಪಿದ್ದಾರೆ. 60,000 ಕ್ಕೂ ಹೆಚ್ಚು ಜನರು ಸೋಂಕಿಗೆ ಒಳಗಾಗಿದ್ದಾರೆ ಎಂದು ಮಾಧ್ಯಮಗಳು ವರದಿ ಮಾಡಿವೆ.
ಡೆಂಗ್ಯೂ ಈಡಿಸ್ ಈಜಿಪ್ಟಿ ಸೊಳ್ಳೆಗಳಿಂದ ಜನರಿಗೆ ಹರಡುವ ವೈರಲ್ ಸೋಂಕು ಆಗಿದ್ದು, ಉಷ್ಣವಲಯದ ಹವಾಮಾನದಲ್ಲಿ ಸಾಮಾನ್ಯವಾಗಿದೆ. ಜ್ವರ, ತಲೆನೋವು, ವಾಕರಿಕೆ ಮತ್ತು ಕೀಲುಗಳಲ್ಲಿ ನೋವು ಡೆಂಗ್ಯೂ ಲಕ್ಷಣಗಳು.
ಚಿಲಿ ಮತ್ತು ಬೊಲಿವಿಯಾದೊಂದಿಗೆ ಗಡಿಹೊಂದಿರು ಅರ್ಜೆಂಟೀನಾದ ಗಸಾಲ್ಟಾ, ಟುಕುಮನ್ ಮತ್ತು ಜುಜುಯ್ ಪ್ರಾಂತ್ಯಗಳು ಅತಿ ಹೆಚ್ಚು ಸಾವುಗಳನ್ನು ದಾಖಲಿಸಿವೆ ಎಂದು ಬಿಬಿಸಿ ವರದಿ ಮಾಡಿದೆ. 2020 ರಲ್ಲಿ ಅರ್ಜೆಂಟೀನಾದಲ್ಲಿಅತಿಹೆಚ್ಚು ಡೆಂಗ್ಯೂ ಪ್ರಕರಣ ವರದಿಯಾಗಿತ್ತು. ಸೊಳ್ಳೆ ಪರದೆ, ಕೀಟ ನಿವಾರಕ ಬಳಕೆ ಮತ್ತು ಸೊಳ್ಳೆ ಸಂತಾನೋತ್ಪತ್ತಿ ತಾಣ ನಾಶಕ್ಕೆ ಅಧಿಕಾರಿಗಳು ಕ್ರಮ ಕೈಗೊಂಡಿದ್ದಾರೆ.