News Karnataka Kannada
Wednesday, April 17 2024
Cricket
ಅಡುಗೆ ಮನೆ

ಸುಲಭವಾಗಿ ತಯಾರು ಮಾಡಬಹುದು ಮಾವಿನಕಾಯಿ ರಸಂ

ರಸಂ ಎಲ್ಲರೂ ಇಷ್ಟಪಡುತ್ತಾರೆ. ಊಟದ ಜತೆಗೆ ರಸಂ ಬೇಕೆಂದು ಬಯಸುವವರು ವಿವಿಧ ನಮೂನೆಯ ರಸಂ ಮಾಡಬಹುದು ಅದರಲ್ಲಿ ಮಾವಿನ ಕಾಯಿ ರಸಂ ಕೂಡ ಸೇರುತ್ತದೆ. ಈ ಮಾವಿನ ಕಾಯಿ ರಸಂ ಮಾಡುವುದು ತುಂಬಾ ಸುಲಭವಾಗಿರುವುದರಿಂದ ಯಾರೂ ಬೇಕಾದರೂ ತಯಾರು ಮಾಡಲು ಅಡ್ಡಿಯಿಲ್ಲ.  
Photo Credit : NewsKarnataka

ರಸಂ ಎಲ್ಲರೂ ಇಷ್ಟಪಡುತ್ತಾರೆ. ಊಟದ ಜತೆಗೆ ರಸಂ ಬೇಕೆಂದು ಬಯಸುವವರು ವಿವಿಧ ನಮೂನೆಯ ರಸಂ ಮಾಡಬಹುದು ಅದರಲ್ಲಿ ಮಾವಿನ ಕಾಯಿ ರಸಂ ಕೂಡ ಸೇರುತ್ತದೆ. ಈ ಮಾವಿನ ಕಾಯಿ ರಸಂ ಮಾಡುವುದು ತುಂಬಾ ಸುಲಭವಾಗಿರುವುದರಿಂದ ಯಾರೂ ಬೇಕಾದರೂ ತಯಾರು ಮಾಡಲು ಅಡ್ಡಿಯಿಲ್ಲ.

ಬೇಕಾಗುವ ಪದಾರ್ಥಗಳು: ಚಿಕ್ಕದಾದ ಮಾವಿನ ಕಾಯಿ- ಒಂದು, ಹಸಿಮೆಣಸು- ಮೂರರಿಂದ ನಾಲ್ಕು, ಕೊಬ್ಬರಿಪುಡಿ- ಎರಡು ಟೀ ಚಮಚ, ಕಾಳುಮೆಣಸಿನ ಪುಡಿ- ಚಿಟಿಕೆಯಷ್ಟು, ಬೆಳ್ಳುಳ್ಳಿ- ಆರು ಎಸಳು, ಈರುಳ್ಳಿ- ಸ್ವಲ್ಪ, ಅರಿಶಿಣಪುಡಿ- ಅರ್ಧ ಟೀ ಚಮಚ, ಹುರಿಗಡಲೆ – ಸ್ವಲ್ಪ, ಉಪ್ಪು- ರುಚಿಗೆ ತಕ್ಕಷ್ಟು, ಎಣ್ಣೆ- ಒಗ್ಗರಣೆಗೆ ಅಗತ್ಯವಿರುವಷ್ಟು(ಒಂದು ಟೇಬಲ್ ಚಮಚ). ಕೊತ್ತಂಬರಿ ಸೊಪ್ಪು- ಸ್ವಲ್ಪ, ಕರಿಬೇವು ಸೊಪ್ಪು- ಸ್ವಲ್ಪ, ಒಣಮೆಣಸು- ಎರಡು,ಸಾಸಿವೆ- ಸ್ವಲ್ಪ

ಮಾಡುವ ವಿಧಾನ ಹೇಗೆ?: ಮಾವಿನ ಕಾಯಿಯನ್ನು ಹಚ್ಚಿಟ್ಟುಕೊಂಡು ಅದಕ್ಕೆ ಹಸಿಮೆಣಸು ಬೆಳ್ಳುಳ್ಳಿ, ಅರಿಶಿಣ,  ಕಾಳು ಮೆಣಸು, ಹುರಿಗಡಲೆ, ಕೊಬ್ಬರಿ ಹಾಕಿ ಚೆನ್ನಾಗಿ ಮಿಕ್ಸಿ ಮಾಡಿಟ್ಟುಕೊಳ್ಳಿ. ಮತ್ತೊಂದೆಡೆ ಪಾತ್ರೆಯಲ್ಲಿ ಎಣ್ಣೆ ಹಾಕಿ  ಅದು ಕಾದ ಬಳಿಕ ಸಾಸಿವೆ ಹಾಕಿ ಅದು ಸಿಡಿದ ನಂತರ ಹಚ್ಚಿದ ಈರುಳ್ಳಿ ಹಾಕಿ ಹಾಗೂ ಕರಿಬೇವು(ಒಗ್ಗರಣೆ) ಸೊಪ್ಪು ಹಾಕಿ ಚೆನ್ನಾಗಿ ಹುರಿಯಿರಿ, ಈರುಳ್ಳಿ ಬೆಂದ ಬಳಿದ ಅದಕ್ಕೆ ಒಣಮೆಣಸನ್ನು ಹಾಕಿ ಅದು ಸ್ವಲ್ಪ ಕಾಯುತ್ತಿದ್ದಂತೆಯೇ  ಮಿಕ್ಸಿ ಮಾಡಿಟ್ಟ ಮಾವಿನ ಕಾಯಿಯ ಗೊಜ್ಜನ್ನು ಅದಕ್ಕೆ ಸುರಿದು ತಿರುಗಿಸಿ ಎರಡು ಲೋಟ ನೀರು ಹಾಕಿ ಬಳಿಕ ರುಚಿ ನೋಡಿಕೊಂಡು ಉಪ್ಪು ಹಾಕಿ ಚೆನ್ನಾಗಿ ಕುದಿದ ಬಳಿಕ ಕೊತ್ತಂಬರಿ ಸೊಪ್ಪನ್ನು ಉದುರಿಸಿ ಇಳಿಸಿದರೆ ಮಾವಿನಕಾಯಿ ರಸಂ ರೆಡಿ.

ನ್ಯೂಸ್‌ಕನ್ನಡ.ಕಾಂ ಇದರ ಗುಣಮಟ್ಟದ, ಸ್ವತಂತ್ರ ಪತ್ರಿಕೋದ್ಯಮವನ್ನು ನಿಮ್ಮ ದೇಣಿಗೆಯ ಮೂಲಕ ಪ್ರೋತ್ಸಾಹಿಸಿ.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

This site is protected by reCAPTCHA and the Google Privacy Policy and Terms of Service apply.
1616

ವಾಟ್ಸಪ್ ನಲ್ಲಿ ತಾಜಾ ಸುದ್ದಿಗಳನ್ನು ಪಡೆಯಲು ದಯವಿಟ್ಟು