ಈಗ ಮಾವಿನ ಕಾಲವಾಗಿದ್ದು, ಅಲ್ಲಲ್ಲಿ ಮಾವಿನ ಕಾಯಿ ಮತ್ತು ಹಣ್ಣುಗಳು ಮಾರಾಟಕ್ಕೆ ಬರುತ್ತಿವೆ. ಹೀಗಾಗಿ ಇವುಗಳಿಂದ ಹಲವಾರು ಪದಾರ್ಥವನ್ನು ತಯಾರಿಸುವುದು ಸಾಮಾನ್ಯವಾಗಿ ಕಂಡು ಬರುತ್ತದೆ. ಅದರಲ್ಲೂ ಮಾವಿನಕಾಯಿಯ ತಂಬುಳಿ ಸುಲಭವಾಗಿ ತಕ್ಷಣಕ್ಕೆ ಮಾಡಬಹುದಾದ ಖಾದ್ಯವಾಗಿರುವುದರಿಂದ ಯಾರು ಬೇಕಾದರೂ ಮಾಡಬಹುದು.
ಬೇಕಾಗುವ ಪದಾರ್ಥಗಳು: ಮಾವಿನಕಾಯಿ-1, ಮೊಸರು- ಒಂದು ಬಟ್ಟಲು, ಒಣ ಮೆಣಸು- 4-5, ಕಾಯಿತುರಿ- ಅರ್ಧ ಬಟ್ಟಲು, ಇಂಗು- ಸ್ವಲ್ಪ, ಉಪ್ಪು- ರುಚಿಗೆ ತಕ್ಕಷ್ಟು, ಕೊತ್ತಂಬರಿ ಸೊಪ್ಪು_ ಸ್ವಲ್ಪ
ಮಾಡುವುದು ಹೇಗೆ?: ಮೊದಲಿಗೆ ಮಾವಿನ ಕಾಯಿ ಮತ್ತು ತೆಂಗಿನಕಾಯಿಯನ್ನು ತುರಿದಿಟ್ಟುಕೊಳ್ಳಬೇಕು. ಬಳಿಕ ಮಾವಿನಕಾಯಿ ಹಾಗೂ ಕಾಯಿ ತುರಿಯೊಂದಿಗೆ ಉಪ್ಪು, ಇಂಗು, ಒಣಮೆಣಸು ಎಲ್ಲವನ್ನು ಮಿಕ್ಸಿಗೆ ಹಾಕಿ ಸ್ವಲ್ಪ ನೀರು ಹಾಕಿ ಚೆನ್ನಾಗಿ ರುಬ್ಬಬೇಕು. ಆ ನಂತರ ಅದನ್ನು ಮೊಸರಿನೊಂದಿಗೆ ಮಿಕ್ಸ್ ಮಾಡಬೇಕು ಇದಾದ ಬಳಿಕ ಕೊತ್ತಂಬರಿ ಸೊಪ್ಪನ್ನು ಅದರ ಮೇಲೆ ಉದುರಿಸಿದರೆ ಮಾವಿನ ಕಾಯಿ ತಂಬುಳಿ ಸವಿಯಲು ಸಿದ್ದ.