ರೋಟಿಗೆ ನೀವೇ ಮಾಡಿಬಿಡಿ ರುಚಿಯಾದ ಪಾಲಕ್ ಪನ್ನೀರ್

ಪಾಲಕ್ ಪನ್ನೀರ್  ಎಲ್ಲರೂ ಇಷ್ಟಪಡುವ ಮತ್ತು ರೋಟಿ ಜತೆಗೆ  ತುಂಬಾ ಇಷ್ಟವಾಗುವ ಪದಾರ್ಥವಾಗಿದೆ. ಇದನ್ನು ಮನೆಯಲ್ಲಿ ಮಾಡಿ ಸೇವಿಸಿದರೆ ಇನ್ನು ಚೆನ್ನಾಗಿರುತ್ತದೆ. ಹಾಗಾದರೆ ಹೇಗೆ ಮಾಡೋದು? ಎಂಬುದರ ಬಗ್ಗೆ ಇಲ್ಲಿದೆ.

ಬೇಕಾಗುವ ಪದಾರ್ಥಗಳು: ಪಾಲಕ್ ಸೊಪ್ಪು- 4ಕಟ್ಟು, ಈರುಳ್ಳಿ-2, ಟೋಮೆಟೋ-2,  ಶುಂಠಿ ಬೆಳ್ಳುಳ್ಳಿ ಪೇಸ್ಟ್- ಅರ್ಧ ಚಮಚ, ಜೀರಿಗೆ- ಕಾಲು ಚಮಚ, ಹಸಿಮೆಣಸು-4, ಪನ್ನೀರ್ ತುಂಡುಗಳು- 1ಕಪ್, ಅರಶಿನಪುಡಿ- ಚಿಟಿಕೆ, ಗರಂಮಸಾಲೆ-2ಚಮಚ, ಹಾಲಿನಕೆನೆ-ಕಾಲು ಕಪ್, ಉಪ್ಪು- ರುಚಿಗೆ ತಕ್ಕಷ್ಟು, ಎಣ್ಣೆ- 8ಚಮಚ

ಮಾಡುವುದು ಹೀಗೆ: ಮೊದಲಿಗೆ ಪಾಲಕ್ ಸೊಪ್ಪನ್ನು ಚೆನ್ನಾಗಿ ಬೇಯಿಸಿ ಮಿಕ್ಸಿಗೆ ಹಾಕಿ ರುಬ್ಬಿ ಪೇಸ್ಟ್  ಮಾಡಿಟ್ಟುಕೊಳ್ಳಬೇಕು. ಇನ್ನೊಂದೆಡೆ  ಪನ್ನೀರನ್ನು ಕರಿದಿಟ್ಟು ಕೊಳ್ಳಬೇಕು. ಮತ್ತೊಂದೆಡೆ ಬಾಣಲೆಯಲ್ಲಿ ಎಣ್ಣೆ ಹಾಕಿ ಬಿಸಿಯಾಗುತ್ತಿದ್ದಂತೆಯೇ ಅದಕ್ಕೆ ಜೀರಿಗೆ ಅರಶಿನ ಹಾಕಿ ನಂತರ ಹೆಚ್ಚಿದ ಈರುಳ್ಳಿ ಸೇರಿಸಿ ಹುರಿಯಬೇಕು.

ಆ ನಂತರ ಟೋಮೆಟೋ, ಬೆಳ್ಳುಳ್ಳಿ ಶುಂಠಿ ಪೇಸ್ಟ್ ಹಾಕಿ ಸ್ವಲ್ಪ ಹುರಿಯಿರಿ. ಬಳಿಕ ಅದಕ್ಕೆ ರುಬ್ಬಿಟ್ಟುಕೊಂಡ ಪಾಲಕ್‌ನ್ನು ಸೇರಿಸಿ ಗರಂಮಸಾಲೆ, ಉಪ್ಪು( ರುಚಿಗೆ ತಕ್ಕಂತೆ) ಹಾಕಿ ಚೆನ್ನಾಗಿ ಕುದಿಸಿ. ಕೊನೆಯಲ್ಲಿ ಹಾಲುಕೆನೆ ಸೇರಿಸಿ ಇದಾದ ಬಳಿಕ ಕರಿದಿಟ್ಟುಕೊಂಡ ಪನ್ನೀರ್ ಸೇರಿಸಿ. ಚೆನ್ನಾಗಿ ಕುದಿದ ಬಳಿಕ ಇಳಿಸಿದರೆ ಪನ್ನೀರ್ ಸಿದ್ಧವಾದಂತೆಯೇ.