ವಿಶ್ವದ ಹಲವು ದೇಶಗಳಿಗೆ ʼCoWINʼ ಅಪ್ಲಿಕೇಶನ್ ಸೇವೆ ನೀಡಲಿರುವ ಭಾರತ

ಕೊರೊನಾ ವಿರುದ್ಧ ನಡೆಯುತ್ತಿರುವ ವ್ಯಾಕ್ಸಿನೇಷನ್ ಅಭಿಯಾನದ ಅಡಿಯಲ್ಲಿ ಭಾರತವು ಇತ್ತೀಚೆಗೆ 100 ಕೋಟಿ ವ್ಯಾಕ್ಸಿನೇಷನ್‌ಗಳ ದಾಖಲೆಯನ್ನ ನಿರ್ಮಿಸಿದೆ. ಕೋವಿಡ್ ಲಸಿಕೆಯ ಬಗ್ಗೆ ಆರೋಗ್ಯ ಕಾರ್ಯಕರ್ತರು ಮತ್ತು ವಿಜ್ಞಾನಿಗಳು ದೇಶದ ಇಂತಹ ದೊಡ್ಡ ಸಾಧನೆಗೆ ಕೊಡುಗೆ ನೀಡಿದ್ದರೂ, ಸ್ವದೇಶಿ ಕೋವಿನ್ ಅಪ್ಲಿಕೇಶನ್ ಈ ಅಭಿಯಾನದ ಬೆನ್ನೆಲುಬಾಗಿ ಹೊರಹೊಮ್ಮಿದೆ. ಭಾರತವನ್ನು ಕ್ರಮಬದ್ಧವಾಗಿ ಇಂತಹ ದೊಡ್ಡ ಸಾಧನೆ ಮಾಡುವಲ್ಲಿ ಈ ಪೋರ್ಟಲ್ ಸಾಕಷ್ಟು ಕೊಡುಗೆ ನೀಡಿದೆ ಎಂದು ಕೋವಿನ್ ವೇದಿಕೆಗೆ ಸಂಬಂಧಿಸಿದ ತಜ್ಞರು ಹೇಳುತ್ತಾರೆ. ಆದ್ರೆ, ಅದರ ರಚನೆಯಿಂದ ಕಾಲಕಾಲಕ್ಕೆ ಆಗಿರುವ ಬದಲಾವಣೆಗಳು ಅಷ್ಟು ಸುಲಭವಾಗಿರಲಿಲ್ಲ. ದೇಶದಲ್ಲಿ ಕೋವಿಡ್ ಲಸಿಕೆಯನ್ನು ಯಶಸ್ವಿಗೊಳಿಸುವುದರ ಜೊತೆಗೆ, ಈಗ ಇದನ್ನು ವಿದೇಶಗಳಲ್ಲಿಯೂ ಬೇಡಿಕೆ ಮಾಡಲಾಗುತ್ತಿದೆ. ಶೀಘ್ರದಲ್ಲೇ ಇದು ವಿಶ್ವದ ಹಲವು ದೇಶಗಳಿಗೆ ತನ್ನ ಸೇವೆಗಳನ್ನ ಒದಗಿಸಲಿದೆ.

ಭಾರತದಲ್ಲಿ ಲಸಿಕೆ ಹಾಕಲು ಕೋವಿನ್ ಆಯಪ್ ಬಳಕೆಯಿಂದ ಹಿಡಿದು ವಿದೇಶದಲ್ಲಿ ಬೇಡಿಕೆಯವರೆಗೂ ರಾಷ್ಟ್ರೀಯ ಆರೋಗ್ಯ ಪ್ರಾಧಿಕಾರದ ಸಿಇಒ ಮತ್ತು ರಾಷ್ಟ್ರೀಯ ಆರೋಗ್ಯ ಪ್ರಾಧಿಕಾರದ ಉಸ್ತುವಾರಿ ಡಾ.ಆರ್.ಎಸ್.ಶರ್ಮಾ ಅವ್ರು ವಿವರವಾಗಿ ಚರ್ಚಿಸಿದ್ದಾರೆ.

ವಿಶೇಷವೆಂದರೆ, ಲಸಿಕೆಯ ಡಿಜಿಟಲ್ ಪ್ರಮಾಣಪತ್ರವನ್ನ ಹೇಗೆ ಬಳಸಲಾಗುವುದು ಅನ್ನೋದ್ರ ಬಗ್ಗೆ ಸಂಪೂರ್ಣವಾಗಿ ಸ್ಪಷ್ಟವಾಗಿಲ್ಲದಿದ್ದರೂ, ಈಗ ಅದನ್ನ ರಾಷ್ಟ್ರೀಯ ಮತ್ತು ಅಂತರರಾಷ್ಟ್ರೀಯ ಮಟ್ಟದ ಪ್ರವಾಸಗಳಿಗೆ ಮತ್ತು ಕೆಲಸದ ಸ್ಥಳದಲ್ಲಿ ಕೆಲಸ ಮಾಡಲು ಪ್ರಮಾಣೀಕರಿಸಲಾಗಿದೆ. ಕೋವಿಡ್ ವ್ಯಾಕ್ಸಿನೇಷನ್‌ನ ಈ ಸ್ಥಿತಿಯನ್ನ ಸಾಧಿಸಲು, ತ್ವರಿತ ಗತಿಯಲ್ಲಿ ಕೆಲಸ ಮಾಡುವುದು ಅಗತ್ಯವಾಗಿತ್ತು ಮತ್ತು ಲಸಿಕೆ ಮೂಲಕ ಹೆಚ್ಚಿನ ಜನಸಂಖ್ಯೆಯನ್ನ ರಕ್ಷಿಸಲು, CoWIN ಪ್ಲಾಟ್‌ಫಾರ್ಮ್‌ನ ಸಹಾಯವಿಲ್ಲದೆ ಮಾನವ ಪ್ರಯತ್ನದಿಂದ ಇದು ಸಾಧ್ಯವಾಗುತ್ತಿರಲಿಲ್ಲ. ಕೋವಿನ್ ಪ್ಲಾಟ್‌ಫಾರ್ಮ್‌ನ ದಕ್ಷತೆ ಮತ್ತು ವೇಗದ ಸಹಾಯದಿಂದ ಒಂಬತ್ತು ತಿಂಗಳಲ್ಲಿ ಶೂನ್ಯದಿಂದ 100 ಕೋಟಿ ಲಸಿಕೆಗಳನ್ನ ಸಾಧಿಸಲಾಗಿದೆ. ಕೋವಿನ್ ಕಾರಣ, ಲಸಿಕೆ ಅಭಿಯಾನವನ್ನು ಸಂಪೂರ್ಣ ಪಾರದರ್ಶಕತೆಯಿಂದ ನಡೆಸಬಹುದು ಎಂದರು.