ಮಂಗಳೂರು: ಯೇನೆಪೋಯ ವಿಶ್ವವಿದ್ಯಾನಿಲಯದಲ್ಲಿ ಯುವ ರೆಡ್ ಕ್ರಾಸ್ ಘಟಕ ಉದ್ಘಾಟನೆ

ಮಂಗಳೂರು: ಯೇನೆಪೋಯ ಪರಿಗಣಿಸಲ್ಪಟ್ಟ ವಿಶ್ವವಿದ್ಯಾನಿಲಯದಲ್ಲಿ ಅ.11ರಂದು ಯುವ ರೆಡ್ ಕ್ರಾಸ್ ಘಟಕದ ಉದ್ಘಾಟನೆ, ಎಮ್ ಒ ಯು ಸಹಿ ಹಾಕುವಿಕೆ ಹಾಗೂ ಯೂತ್ ರೆಡ್ ಕ್ರಾಸ್ ನ ಮಾಹಿತಿ ಕಾರ್ಯಕ್ರಮವನ್ನು ಯೆಂಡ್ಯೂರನ್ಸ್ ಜೊನ್ ಸಭಾಂಗಣ ದಲ್ಲಿ ಆಯೋಜಿಸಲಾಗಿತ್ತು.

ಮುಖ್ಯ ಅಥಿತಿ ಡಾ. ರಾಜೇಂದ್ರ ಕೆ ವಿ ಜಿಲ್ಲಾಧಿಕಾರಿಗಳು ದಕ್ಷಿಣ ಕನ್ನಡ ಜಿಲ್ಲೆ ಕಾರ್ಯಕ್ರಮವನ್ನು ಹಾಗೂ ಯುವ ರೆಡ್ ಕ್ರಾಸ್ ಘಟಕವನ್ನು ಉದ್ಘಾಟಿಸಿ ಜಿಲ್ಲಾ ರೆಡ್ ಕ್ರಾಸ್ ನ ಸಾಮಾಜಿಕ ಕಾರ್ಯಕ್ರಮಗಳನ್ನು ಶ್ಲಾಘ್ಹಿಸಿದರು. ಉದ್ಘಾಟನೆಗೊಂಡ ಯುವರೆಡ್ ಕ್ರಾಸ್ ಘಟಕವನ್ನು ಅಭಿನಂದಿಸಿ ಘಟಕದ ಸ್ವಯಂ ಸೇವಕರು ರೆಡ್ ಕ್ರಾಸ್ ನ ಧ್ಯೇಯ ಹಾಗೂ ಮೌಲ್ಯಗಳನ್ನು ಬೆಳೆಸಿ ಸಮಾಜಕ್ಕೆ ಉತ್ತಮ ಸೇವೆಯನ್ನು ನೀಡುವಲ್ಲಿ ಯಶಸ್ವಿಯಾಗಬೇಕೆಂದು ಹೇಳಿದರು.

ಕಾರ್ಯಕ್ರಮದ ಗೌರವಾನ್ವಿತ ಅತಿಥಿ  ಎ ಶಾಂತರಾಮ ಶೆಟ್ಟಿ ಚೇರ್ ಮ್ಯಾನ್ ಭಾರತೀಯ ರೆಡ್ ಕ್ರಾಸ್ ಸಂಸ್ಥೆ ದಕ್ಷಿಣ ಕನ್ನಡ ಇವರು ಮಾತನಾಡಿ ಮಾನವಿಯ ಮೌಲ್ಯಗಳನ್ನು ಯುವ ಜನರಲ್ಲಿ ಬೆಳೆಸುವುದರಿಂದ ಸಮಾಜಕ್ಕೆ ಉತ್ತಮ ಪ್ರಜೆಗಳನ್ನು ನೀಡುವಲ್ಲಿ ಸಹಕರಿಸುತ್ತದೆ. ಕುಸುಮಾಧರ ಬಿಕೆ ಗೌರವಾನ್ವಿತ ಕಾರ್ಯ ಕ್ರಮಾಧಿಕಾರಿಗಳು ಯುವರೆಡ್ ಕ್ರಾಸ್ ನ ಕಾರ್ಯ ಚಟುವಟಿಕೆಗಳನ್ನು ಶ್ಲಾಘಿಸಿದರು.

ಡಾ. ಎಮ್ ವಿಜಯಕುಮಾರ್ ಕುಲಪತಿಗಳು ಯೇನೆಪೊಯ ಪರಿಗಣಿಸಲ್ಪಟ್ಟ ವಿಶ್ವವಿದ್ಯಾಲಯ ಕಾರ್ಯ ಕ್ರಮದ ಅಧ್ಯಕ್ಷತೆಯನ್ನು ವಹಿಸಿದ್ರ‍್ರು. ಸಚೆತ್ ಸುವರ್ಣ ಸಂಪನ್ಮೂಲ ವ್ಯಕ್ತಿಗಳು ಹಾಗೂ ಯತೀಶ್ ಬೈಕಂಪಾಡಿ ರಾಜ್ಯ ಪ್ರತಿನಿದಿ ಉಪಸ್ಥಿತರಿದ್ದರು.

ಡಾ. ಗಂಗಾಧರ ಸೊಮಯಾಜಿ, ಕುಲಸಚಿವರು ಯೇನೆಪೊಯ ಪರಿಗಣಿಸಲ್ಪಟ್ಟ ವಿಶ್ವವಿದ್ಯಾಲಯ ಇವರು ಸ್ವಾಗತಿಸಿ ನಿತ್ಯಶ್ರೀ ನೊಡಲ್ ಅಧಿಕಾರಿ ಯುವರೆಡ್ ಕ್ರಾಸ್ ವಂದಿಸಿದರು. ಜ್ಯೋತಿ ಕಾರ್ಯಕ್ರಮ ನಿರೂಪಿಸಿದರು.